ميگرانتتار پولشاعا تۋننەل ارقىلى كىرگەن

 180 نەن استام ميگرانت جەر استى تۋننەلى ارقىلى پولياك-بەلارۋس شەكاراسىن زاڭسىز كەسىپ وتكەن. 130 ادام ۇستالدى، وزگەلەرى ىزدەستىرىلىپ جاتىر.

 پولشا شەكارا قىزمەتىنىڭ مالىمەتىنە قاراعاندا تۋننەل ورمانداعى جەر استىندا سالىنعان. ديامەترى شامامەن ءبىر جارىم مەتر. ۇستالعاندار - اۋعانستان، پاكىستان، ءۇندىستان، نەپال جانە بانگلادەش ازاماتتارى. قازىر ولاردى دەپورتاتسيالاۋ ماسەلەسى قاراستىرىلىپ جاتىر. ميگرانتتاردىڭ زاڭسىز ارەكەتىن ۇيىمداستىرعان ەكى كۇدىكتى قاماۋعا الىندى.

 https://24.kz