مينيسترى قازاقستاندا ۋتيلالىم قۇنىن ازايتۋ جوسپاردا بار ما دەگەن سۇراققا جاۋاپ بەردى
استانا. KAZINFORM - ونەركاسىپ جانە قۇرىلىس ءمينيسترى قانات شارلاپايەۆ ەلىمىزدە ۋتيلالىمعا قاتىستى وزگەرىس بولمايتىنىن ايتتى. بۇعان دەيىن دەپۋتاتتار ۋتيلالىم سوماسىن ازايتۋ ۇسىنىسىن بىرنەشە رەت جاريالاعان ەدى.
«مەملەكەتتە ۋتيلالىمدى وزگەرتۋ ءۇشىن ەشقانداي جوسپار جوق. بۇل ماسەلە ءجيى كوتەرىلىپ جاتىر. قازىر كەزدە بۇل باعىتتا قانداي دا ءبىر تۇزەتۋ قاراستىرىلماعان»، - دەدى ق. شارلاپايەۆ پارلامەنت ماجىلىسىندە تىلشىلەر سۇراعىنا جاۋاپ بەرە وتىرىپ.
جاقىندا سەناتتىڭ جالپى وتىرىسىندا دەپۋتات بەكبول ورىنباساروۆ ەلىمىزدىڭ اۆتوپاركىن جاڭارتۋداعى پروبلەمالاردى جاريا ەتتى. قازاقستان ازاماتتارى ءۇشىن يمپورتپەن كەلەتىن اۆتوموبيلدىڭ باعاسى تىم جوعارى. وعان كەدەندىك الىمدار، كادەگە جاراتۋ تولەمدەرى (ۋتيلالىم) جانە العاشقى تىركەۋ تولەمدەرى سەبەپ بولعان.
وسىعان دەيىن ءماجىلىس دەپۋتاتى نارتاي سارسەنعاليەۆ ۋتيلالىم باعاسىن تومەندەتۋدى ۇسىنعان ەدى.
اۆتور
رۋسلان عابباسوۆ