مينيسترلىك قازاقستان مەن رەسەي شەكاراشىلارى اراسىنداعى قاقتىعىس تۋرالى اقپاراتقا تۇسىنىك بەردى
ق ر ىشكى ىستەر مينيسترلىگى قازاقستان مەن رەسەي شەكاراشىلارى اراسىنداعى قاقتىعىس تۋرالى اقپاراتقا تۇسىنىك بەردى. قازاقپارات بۇل تۋرالى Stopfake.kz-كە سىلتەمە جاساپ حابارلايدى.
الەۋمەتتىك جەلىلەردە قازاقستان مەن رەسەي شەكاراشىلارى اراسىندا تۋىنداعان قاقتىعىس سالدارى دەپ سيپاتتالعان ۆيدەو تاراپ جاتىر.
ۆيدەودا اسكەري كيىمدەگى ادامدار جانە اسكەري تەحنيكا كورسەتىلگەن. ال كادر سىرتىنداعى داۋىستىڭ ايتۋىنشا، قاقتىعىس قوستاناي وبلىسىندا ورىن العان. قازىر وندا اسكەري تەحنيكا تارتىلىپ جاتىر- مىس.
ق ر ءى ءى م مالىمەتىنشە، مۇنىڭ ءبارى - جالعان.
«ق ر ىشكى ىستەر مينيسترلىگى قوستاناي وبلىسىنداعى شەكارادا ارانداتۋ بولعانى تۋرالى الەۋمەتتىك جەلىلەردە تارالعان اقپارات شىندىققا جاناسپايتىنىن جانە جالعان ەكەندىگىن حابارلايدى.
ۆيدەودا بيىلعى 8 -قىركۇيەكتە قوستاناي قالاسى اۋماعىندا وتكەن جوسپارلى دالالىق جاتتىعۋعا بارا جاتقان ق ر ءى ءى م ۇلتتىق ۇلان اۆتوكولىگىنىڭ كولونناسى كورسەتىلگەن. كورىنەۋ جالعان اقپارات تاراتقانى ءۇشىن قىلمىستىق جاۋاپكەرشىلىك قاراستىرىلعانىن ەسكە سالامىز، - دەپ حابارلادى ۆەدومستۆونىڭ باسپا ءسوز قىزمەتىنەن.