مينيسترلىك قازاقستان مەن قىتاي شەكاراسىندا بوگەت جارىلۋىنا قاتىستى مالىمدەمە جاسادى

استانادا. قازاقپارات - سۋ رەسۋرستارى جانە يرريگاتسيا مينيسترلىگى قازاقستان مەن قىتاي شەكاراسىندا بوگەت جارىلۋىنا قاتىستى مالىمدەمە جاسادى.

ۆەدومستۆو مالىمەتىنشە، ماماندار قىتايلىق ارىپتەستەرىمەن ۇنەمى بايلانىستا. قىتاي تاراپى ترانسشەكارالىق وزەندەر ارقىلى سەكۋندىنا 1400 تەكشە مەتر سۋ جىبەرىلگەنىن حابارلاعان.

«ەلدىمەكەندەردى سۋ باسۋ قاۋپى جوق. بۇگىندە بوران گيدروبەكەتى اۋماعىنداعى قارا ەرتىس وزەنىندە سۋ جىبەرۋ كولەمى سەكۋندىنا 1700 تەكشە مەتر، سۋدىڭ دەڭگەيى 543 سانتيمەتر بولادى.

اعىن سۋ كەلۋىن ەسكەرە وتىرىپ، بوران اۋىلى اۋماعىندا قارا ەرتىس وزەنىندەگى گيدرولوگيالىق بەكەتتە سۋ دەڭگەيى كوتەرىلەدى دەپ كۇتىلىپ وتىر»، - دەپ جازىلعان مينيسترلىك حابارلاماسىندا.

ش ق و «قازسۋشار» فيليالى ماماندارىنىڭ جۇمىسى كۇشەيتىلگەن كەستەگە اۋىسقان. وسكەمەن سۋ قويماسىنان (بۇقتىرما سۋ قويماسىنىڭ كونتررەتتەگىشى) سۋ جىبەرۋ سەكۋندىنا 500 تەكشە مەتردەن 800 تەكشە مەترگە دەيىن ۇلعايتىلعان.

«جاعداي ءمينيستردىڭ جەكە باقىلاۋىندا. ەرتەڭ ۆەدومستۆو باسشىسى شىعىس قازاقستان وبلىسىنا بارادى. بۇگىن وڭىردە ۆيتسە-مينيستر نۇرلان الدامجاروۆ ءجۇر»، - دەپ جازىلعان حابارلامادا.

ەسكە سالايىق، بۇعان دەيىن قازاقستان مەن قىتاي شەكاراسىندا بوگەت جارىلعانى حابارلاندى.

الدىن الا مالىمەتتەر بويىنشا بوگەت قىتاي تاراپىنان، قازاقستان شەكاراسىنان 100 شاقىرىم جەردە جارىلعان.

«سۋ قاتتى كەلىپ جاتقان جوق، 2 سانتيمەترگە جەتەدى. ءبىراق بۇل وسى اۋىلدىڭ اۋماعىندا عانا. قازىر جۇمىس جالعاسىپ جاتىر. ۋچاسكەدە تاۋلىك بويى كەزەكشىلىك ۇيىمداستىرىلدى، ت ج ب- نىڭ ءتورت قىزمەتكەرى كەزەكشىلىك ەتەدى. ولاردا كولىك، قايىق - بارلىق قاجەت جابدىق بار. اۋدان اكىمى سول جەردە، ت ج ب باستىعى دا بار»، - دەدى مارقاكول اۋىلدىق وكرۋگى اكىمى اپپاراتىنىڭ باس مامانى اسەم بولىسوۆا.