مينيسترلىك ماگيستراتۋرا مەن دوكتورانتۋراعا تۇسۋشىلەرگە ماڭىزدى حابارلاندىرۋ جاسادى

استانا. قازاقپارات - 28-قازاندا ماگيستراتۋراعا تۇسۋگە ارنالعان كەشەندى تەستىلەۋگە ءوتىنىش قابىلداۋ جانە دوكتورانتۋراعا ءتۇسۋ ەمتيحاندارىنا قۇجاتتاردى قابىلداۋ باستالادى. بۇل تۋرالى عىلىم جانە جوعارى ءبىلىم مينيسترلىگى حابارلادى.

تىركەلۋ ق ر ع ج ب م ۇلتتىق تەستىلەۋ ورتالىعىنىڭ app.testcenter.kz سايتىندا وتەدى. ك ت-عا تىركەلۋ 2024 -جىلعى 10-قاراشاعا دەيىن جالعاسادى.

«شىعارماشىلىق دايىندىقتى تالاپ ەتەتىن ءبىلىم بەرۋ باعدارلامالارىنىڭ توپتارى بويىنشا بەيىندى ماگيستراتۋراعا تۇسۋشىلەردەن قۇجاتتاردى قابىلداۋ وسى جىلعى 28-قازان مەن 10-قاراشا ارالىعىندا جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىمەن جۇزەگە اسىرىلادى. تەستىلەۋدىڭ ءوزى قاراشا- جەلتوقسان ايلارىندا وتەدى. ءوتىنىش بەرۋ كەزىندە ءتۇسۋشى تەستىلەۋدى تاپسىرۋ قالاسىن ءوز ەركىمەن تاڭدايدى. تۇسۋشىلەر وتىنىشتەردى قابىلداۋ مەرزىمى اياقتالعانعا دەيىن (10-قاراشاعا دەيىن) ءبىلىم بەرۋ باعدارلامالارىنىڭ توبى، ءتىلى جانە تەستىلەۋدى تاپسىرۋ قالاسىن وزگەرتۋ بويىنشا وتىنىشكە وزگەرىستەر ەنگىزە الادى. تەستىلەۋدى وتكىزۋ كۇنى تۋرالى اقپارات وقۋعا ءتۇسۋشىنىڭ جەكە كابينەتىندە 13-قاراشادا قولجەتىمدى بولادى»، - دەلىنگەن مينيسترلىك حابارلاماسىندا.

عىلىمي- پەداگوگيكالىق ماگيستراتۋراعا ءتۇسۋ ءۇشىن كەشەندى تەستىلەۋ ەلەكتروندىق فورماتتا وتكىزىلەدى جانە ءۇش بولىمنەن تۇرادى: شەت ءتىلى بويىنشا تەست، وقۋعا دايىندىعىن انىقتاۋعا ارنالعان تەست جانە ءبىلىم بەرۋ باعدارلامالارى توبىنىڭ بەيىنى بويىنشا تەست. شەكتى بال - 75 بال.

ال بەيىندى ماگيستراتۋراعا تۇسۋگە نيەتتى تۇسۋشىلەر ءبىلىم بەرۋ باعدارلامالارى توبىنىڭ بەيىنى بويىنشا تەست تاپسىرادى. شەكتى بال كەمىندە 30 بال، ونىڭ ىشىندە ءاربىر بەيىندى ءپان بويىنشا كەمىندە 7 بال.

دوكتورانتۋراعا ءتۇسۋ ەمتيحانىنا تىركەلۋ 2024 -جىلعى 10-قاراشاعا دەيىن جالعاسادى. دوكتورانتۋراعا تۇسۋشىلەر د ت ە- گە قاتىسۋ ءۇشىن ءوتىنىش بەرگەنگە دەيىن جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ قابىلداۋ كوميسسياسىنا قۇجاتتاردى تاپسىرۋى قاجەت.

دوكتورانتۋراعا ءتۇسۋ ءۇشىن قازتەست جۇيەسى بويىنشا مەملەكەتتىك ءتىلدى مەڭگەرگەنىن راستايتىن سەرتيفيكات جانە شەت ءتىلىن مەڭگەرگەنىن راستايتىن سەرتيفيكات ۇسىنۋ قاجەت. TOEFL ITP سەرتيفيكاتى بار تۇلعالار دتە باستالعانعا دەيىن اعىلشىن ءتىلىن بىلۋگە ارنالعان قوسىمشا تەستىلەۋدى تاپسىرادى.

ءتۇسۋ ەمتيحانى قاراشا- جەلتوقسان ايلارىندا وتەدى.

ەگەر تۇسۋشىگە بەرىلگەن وتىنىشكە (تەستىلەۋدى تاپسىرۋ قالاسى، ءبىلىم بەرۋ باعدارلامالارىنىڭ توبى) وزگەرىستەر ەنگىزۋ قاجەت بولعان جاعدايدا، وعان وتىنىشتەردى قابىلداۋ بازاسى جابىلعانعا دەيىن (10-قاراشاعا دەيىن) ءوتىنىشتى وڭدەۋگە نەمەسە وشىرۋگە مۇمكىندىك بەرىلەدى. قوسىمشا تەستىلەۋدى وتكىزۋ ورنى، كۇنى مەن ۋاقىتى تۋرالى اقپارات ءتۇسۋشىنىڭ جەكە كابينەتىندە وسى جىلعى 12-قاراشادا، ءتۇسۋ ەمتيحانى بويىنشا اقپارات 21-قاراشادا قولجەتىمدى بولادى.

فيلوسوفيا دوكتورلارى (PhD) باعدارلاماسى بويىنشا دوكتورانتۋراعا ءتۇسۋ ەمتيحانىنا اڭگىمەلەسۋ، ەسسە جازۋ جانە ءبىلىم بەرۋ باعدارلاماسى توبىنىڭ بەيىنى بويىنشا ەمتيحان كىرەدى. بەيىنى بويىنشا دوكتورلار باعدارلاماسى بويىنشا دوكتورانتۋراعا ءتۇسۋ ەمتيحانى اڭگىمەلەسۋ جانە ءبىلىم بەرۋ باعدارلامالارى توبىنىڭ بەيىنى بويىنشا ەمتيحان سۇراقتارى بولىمدەرىنەن تۇرادى. مەملەكەتتىك ءبىلىم بەرۋ تاپسىرىسى بويىنشا فيلوسوفيا دوكتورلارى (PhD) باعدارلاماسى بويىنشا دوكتورانتۋراعا ءبىلىم الۋ ءۇشىن ءتۇسۋ ەمتيحانىنان كەمىندە 75 بال، بەيىنى بويىنشا دوكتورلار باعدارلاماسى بويىنشا دوكتورانتۋراعا - كەمىندە 50 بال جيناعان تۇلعالار كونكۋرستىق نەگىزدە قابىلدانادى.

بۇعان دەيىن استانا قالاسىندا قازتەست ەلەكتروندى سەرتيفيكاتتىق تەستىلەۋى باستالعانىن جازعان بولاتىنبىز.