مينيسترلىك ەلىمىزدە قىزىلشانىڭ تارالۋى قاشان باسەڭدەيتىنىن ءتۇسىندىردى

دەنساۋلىق ساقتاۋ ۆيتسە-ءمينيسترى، مەملەكەتتىك باس سانيتار دارىگەر ايجان ەسماعامبەتوۆا ەلىمىزدە قىزىلشانىڭ تارالۋى قاشان باسەڭدەۋى مۇمكىن ەكەنىن ايتتى، دەپ حابارلايدى Kazinform اگەنتتىگى.

«بۇل جاعداي بارىمىزگە قاتىستى، ويتكەنى ىندەتتى توقتاتۋدىڭ جالعىز جولى - ۆاكسيناتسيا. ەندى ءبارى نەگىزگى ساناتتى، ياعني قىزىلشاعا ءجيى شالدىعاتىن 5 جاسقا دەيىنگى بالالاردى قانشالىقتى تەز جانە ۇيىمداسقان تۇردە قامتۋىمىزعا بايلانىستى بولادى. جاعدايدى تۇراقتاندىرۋدا وسى ءىس-قيمىلدارعا نازار اۋدارىپ وتىرمىز»، - دەدى ا. ەسماعامبەتوۆا سەناتتا تىلشىلەر سۇراعىنا جاۋاپ بەرە وتىرىپ.

ايتا كەتەيىك، ەلىمىزدە قىزىلشا ينفەكسياسىنىڭ تارالۋىنا قارسى جاپپاي يممۋنداۋ ءجۇرىپ جاتىر. بۇگىندە قوسىمشا ۆاكسينالاۋعا جاتاتىن 1,5 ميلليون ادامنىڭ 608 مىڭنان استامى ەگىلدى، قامتۋ @,5 قۇرادى.

ماسەلەن، جىل سايىن 1 جانە 6 جاستاعى 700 مىڭعا جۋىق بالا ەگىلەدى.

بۇدان بۇرىن حابارلانعانداي، قازاقستاندا قىزىلشادان ەكى بالا كوز جۇمدى.