مينيسترلىك ۋاقىت بەلدەۋىن قايتارۋدى تالاپ ەتكەن پەتيتسيانى ورىنداۋدان باس تارتپاقشى

استانا. KAZINFORM - ۋاقىت بەلدەۋىن بۇرىنعى رەجيمگە قايتارۋ تۋرالى پەتيتسيانى تالقىلاۋ كەزىندە ساۋدا جانە ينتەگراتسيا ۆيتسە-ءمينيسترى قايرات بالىقبايەۆ جاۋاپتى مەملەكەتتىك ورگاننىڭ الدىن الا شەشىمىن جاريالادى.

2 ساعاتتان استام ۋاقىتقا سوزىلعان جيىندا ەكى تاراپ ورتاق شەشىمگە كەلە المادى.

وتىرىستىڭ ءتوراعاسى رەتىندە ءسوز العان قايرات بالىقبايەۆ پەتيتسيا تالابىنا بايلانىستى شەشىم جوباسىن جاريالادى.

دەگەنمەن ول بۇل ايتىلعان شەشىم تەك جوسپار عانا ەكەنىن، ناقتى شەشىم ەمەستىگىن ەسكەرتتى.

«مەن الدىن الا شەشىمدى ايتايىن دەپ وتىرمىن. ۋاقىت بەلدەۋىن بۇرىنعى قالپىنا قايتارۋ تۋرالى پەتيتسيا وكىلدەرىنىڭ ۋاجدەرىن تالقىلاي كەلىپ، ول تالاپتى ورىنداۋدان باس تارتۋ جونىندە شەشىم قابىلداۋعا بەكىنىپ وتىرمىز. مەن بۇگىنگى جيىننىڭ ءتوراعاسى رەتىندە وسى 1,5 اي ىشىندە سىزدەر اتقارعان بۇكىل جۇمىستىڭ قورىتىندىسى بويىنشا ءوتىنىم بەرۋشىلەر كەلتىرگەن ۋاجدەردىڭ ەشبىرىن دالەلدەيتىن فاكتىلەر تابىلعان جوق. ۋاقىت بەلدەۋىنىڭ وزگەرۋى ازاماتتاردىڭ دەنساۋلىعىنا دا، ەلەكتر قۋاتىن تۇتىنۋ شىعىندارىنا دا اسەر ەتكەن جوق»، - دەدى ۆيتسە-مينيستر.

اۆتور

ەسىمجان ناقتىباي