مينيستر قورشاعان ورتانى قورعاۋ جوسپارىن ورىنداماعان اكىمدەردى زاڭمەن جازالاۋدى ۇسىندى

استانا. KAZINFORM - ەكولوگيا جانە تابيعي رەسۋرستار ءمينيسترى ەرلان نىسانبايەۆ اكىمدەردى قورشاعان ورتانى قورعاۋ جوسپارىن ورىنداماعانى ءۇشىن زاڭمەن جازالاۋدى ۇسىندى.

ءماجىلىس دەپۋتاتتارىنىڭ الدىندا ەلدىڭ ەكولوگيالىق احۋالى تۋرالى بايانداعان مينيستر بۇگىندە قورشاعان ورتانى قورعاۋ جونىندەگى ءىس-شارالار جوسپارى بارلىق وڭىرلەردە قابىلدانعانىن ءمالىم ەتتى. ونىڭ ىشىندە 7 وڭىردە قاراجات تالاپ ەتىلەتىن دەڭگەيدەن تومەن كولەمدە قاراستىرىلعان كورىنەدى.

«سونىمەن قاتار، استانا قالاسى، اقمولا، تۇركىستان، جەتىسۋ وبلىستارى سياقتى جەكەلەگەن وڭىرلەردە بىرنەشە ەسە كوپ قاراجات جوسپارلانعان. جالپى جوسپارلاردا 521,7 ميلليارد تەڭگەگە ءىس-شارالار كوزدەلگەن. بۇل رەتتە جوسپارلانعان ءىس-شارالاردى ورىنداماعانى ءۇشىن جەرگىلىكتى اتقارۋشى ورگانداردىڭ جاۋاپكەرشىلىگى زاڭ جۇزىندە بەكىتىلمەگەن. وسىعان بايلانىستى زاڭناماعا ءتيىستى وزگەرىستەر ەنگىزۋ ۇسىنىلادى»، - دەدى ەرلان نىسانبايەۆ.

وسىعان دەيىن ق ر ەكولوگيا جانە تابيعي رەسۋرستار ءمينيسترى ەرلان نىسانبايەۆ كاسپي يتبالىقتارىنىڭ قىرىلۋىنا قاشاعان كەنىشىندەگى جوبانىڭ قاتىسى بار ما، دەگەن ساۋالعا پىكىر ءبىلدىردى.