مينيستر ەلىمىزدەگى دارىگەرلەردىڭ ورتاشا جالاقىسىن ايتتى

استانا. KAZINFORM - دەنساۋلىق ساقتاۋ ءمينيسترى اقمارال ءالنازاروۆا ەلىمىزدەگى دارىگەرلەردىڭ ورتاشا جالاقاسى تۋرالى تۇسىنىك بەردى.

«ورتاشا، مەدياندى جالاقى بار، ول قازاقستان بويىنشا ورتاشا كورسەتكىشتە ەسەپتەلەدى. ماسەلەن، قىزمەتىن جاڭا باستاعان دارىگەر شامامەن 300-350 مىڭ تەڭگە السا، تاجىريبەلى دارىگەرگە، كارديوحيرۋرگكە ميلليون تەڭگەدەن استام تولەنەدى. وسىنىڭ ءبارىن ەسەپتەي كەلە، قازاقستانداعى ورتاشا جالاقى 405 مىڭ تەڭگە شاماسىندا»، - دەدى ا. ءالنازاروۆا پارلامەنت ماجىلىسىندە تىلشىلەر سۇراعىنا جاۋاپ بەرە وتىرىپ.

بۇدان بۇرىن حابارلانعانداي، بۇگىن ءماجىلىستىڭ جالپى وتىرىسىندا «2025-2027-جىلدارعا ارنالعان رەسپۋبليكالىق بيۋجەت تۋرالى» زاڭ قابىلداندى.

2025-جىلى دەنساۋلىق ساقتاۋ سالاسىنا 2,4 تريلليون تەڭگە قاراستىرىلعان.