مينيستر: «9-20-25» تۇرعىن ءۇي باعدارلاماسى جالعاسىن تابادى

استانا. KAZINFORM - ۇلتتىق ەكونوميكا ءمينيسترى نۇرلان بايبازاروۆ «9-20-25» تۇرعىن ءۇي باعدارلاماسىنىڭ ۇزاق جىل بويى جۇرگىزىلەتىنىن ايتتى.

«9-20-25» تۇرعىن ءۇي باعدارلاماسى 1-ناۋرىزدا باستالدى. العاشقى كۇنى بىرنەشە مىڭ ءوتىنىم ءتۇستى. «وتباسى بانكى» بەلسەندى جۇمىس ىستەپ جاتىر. مامىردا العاشقى وتىنىمدەر ماقۇلدانىپ، باعدارلاما تولىق ىسكە قوسىلادى. كولەمگە كەلەتىن بولساق، تۇرعىن ءۇي باعدارلاماسى ءبىر جىلدىق ەمەس، ۇزاق جىلدارعا سوزىلادى. «بايتەرەك» حولدينگى ءوز قاراجاتى جانە تارتىلعان قاراجات ەسەبىنەن بۇل باعدارلامانى ودان ءارى قولداۋدى جوسپارلاپ وتىر. مەن بۇل سالاعا ءالى دە ينۆەستيتسيا سالۋعا بولاتىنىنا كەلىسەمىن»، - دەدى نۇرلان بازاربايەۆ ۇكىمەت وتىرىسىنان كەيىن وتكەن باسپا ءسوز ءماسليحاتىندا.

سونداي-اق مينيستر اتالعان جۇمىس «بايتەرەك» حولدينگىمەن پىسىقتالاتىنىن ايتتى.