مىندەتتى الەۋمەتتىك مەديتسينالىق ساقتاندىرۋ ارقىلى قانداي مەديتسينالىق كومەكتى تەگىن الۋعا بولادى

استانا. KAZINFORM - م ءا م س جۇيەسىندە ساقتاندىرىلعان ادامدار مىندەتتى الەۋمەتتىك مەديتسينالىق ساقتاندىرۋ ۇسىناتىن مەديتسينالىق كومەكتىڭ كەڭەيتىلگەن سپەكترىنە يە بولا الادى. بۇل تۋرالى جەتىسۋ وبلىسىنىڭ اكىمدىگى باسپا ءسوز قىزمەتى ءمالىم ەتتى.

م ءا م س كەلەسى مەديتسينالىق قىزمەتتەردى قامتيدى:

- پروفيلاكتيكالىق مەديتسينالىق تەكسەرۋلەر؛

- ۋچاسكەلىك دارىگەردىڭ نۇسقاۋى بويىنشا ارنايى ماماندانعان دارىگەردىڭ قابىلداۋى جانە كەڭەس بەرۋى؛

- سوزىلمالى دەرتكە شالدىققان جانداردىڭ بەيىندى مامانداردىڭ باقىلاۋىندا بولۋى؛

- ۋاكىلەتتى ورگان بەكىتكەن تىزبە بويىنشا حالىقتىڭ جەكەلەگەن ساناتتارىنا شۇعىل جانە جوسپارلى نىساندا ستوماتولوگيالىق كومەك كورسەتۋ؛

- حالىقتىڭ بەلگىلى ءبىر كاتەگورياسىنا شۇعىل جانە جوسپارلى تۇردە ستوماتولوگيالىق كومەك كورسەتۋ؛

- دياگنوستيكالىق قىزمەتتەر، ونىڭ ىشىندە لابوراتوريالىق دياگنوستيكا (ۋ ز ي، رەنتگەن، ك ت، م ر ت)؛

- مامانداندىرىلعان، ونىڭ ىشىندە جوعارى تەحنولوگيالى، ستاتسيونارلىق مەديتسينالىق كومەك؛

- مەديتسينالىق وڭالتۋ؛

- ستاتسيوناردا مامانداندىرىلعان مەديتسينالىق كومەك كورسەتۋ كەزىندە ءدارى-دارمەكپەن قامتاماسىز ەتۋ.

«ساقتاندىرىلعان» مارتەبەڭىز بولا تۇرا، ەمحانادا مەديتسينالىق كومەككە جۇگىنۋ كەزىندە قيىندىقتار تۋىنداسا بىردەن پاتسيەنتتەردى قولداۋ قىزمەتىنە (ءاربىر ەمحانادا بار) نەمەسە قوردىڭ رەسمي بايلانىس ارنالارى كولل-ورتالىق 1414 ءنومىرى نەمەسە Qoldau موبيلدىك قوسىمشاسى ارقىلى ءوتىنىش قالدىرا الاسىز:

ەسكە سالا كەتەيىك، بۇعان دەيىن 2024 -جىلدىڭ 1-قاڭتارىنان باستاپ مىندەتتى الەۋمەتتىك مەديتسينالىق ساقتاندىرۋعا تولەنەتىن جارنالار مەن اۋدارىمدار مولشەرى وزگەرگەنىن حابارلاعان بولاتىنبىز.