«ميلتون» داۋىلى فلوريدا جاعالاۋىنا جاقىندادى

استانا. KAZINFORM – ا ق ش- تىڭ فلوريدا شتاتى تامپا شىعاناعىنا جاقىنداعان 5-ساناتتاعى «ميلتون» داۋىلىنا دايىندالىپ جاتىر. داۋىل سارسەنبى كۇنى قۇرلىققا جەتەدى دەپ بولجانۋدا، دەپ حابارلايدى Euronews.

ەلدىڭ التى شتاتىندا 230 دان استام ادامنىڭ ءومىرىن قيعان الاپات «حەلين» داۋىلىنان كەيىن ەكى اپتا وتپەي جاتىپ تاعى ءبىر تابيعي اپات بولادى دەپ بولجانىپ وتىر.

«تاياۋدا جويقىن داۋىلدان زارداپ شەكتىك. كوپ جەردى سۋ باسىپ قالدى. سوندىقتان بۇل جولى كەزەكتى داۋىلعا دايىندالعاندى ءجون كوردىك. ءۇيدىڭ اينالاسىنا وتكەن اپتادا بولعان جاعدايدىڭ الدىن الۋ ءۇشىن قۇم سالىنعان قاپتاردى جيناپ جاتىرمىز»، - دەيدى فلوريدا تۇرعىنى لۋيس سميت.

تۇرعىندارعا بىرنەشە اپتا ىشىندە وسىمەن ەكىنشى رەت ەۆاكۋاتسيالانۋ تۋرالى بۇيرىق بەرىلدى.

«جەرگىلىكتى بيلىكتى تىڭداڭىزدار، ويتكەنى مەن كوپتەگەن ادام بۇل داۋىلدان زارداپ شەككەنىن بىلەمىن. بۇل جاعداي جەرگىلىكتى تۇرعىندارعا وڭاي تيمەسى انىق»، - دەدى ا ق ش ۆيتسە- پرەزيدەنتى كامالا حارريس.

«حەلين» داۋىلىنىڭ ەكپىنى 2,4-3,6 مەترگە جەتۋى مۇمكىن.

ساراپشىلاردىڭ پىكىرىنشە، «ميلتون» اتلانت مۇحيتىنداعى رەكوردتىق ەڭ جىلدام دامىپ كەلە جاتقان ءۇشىنشى داۋىل بولدى. نەبارى 12 ساعاتتا ول ءبىرىنشى ساناتتاعى داۋىلدان بەسىنشى ساناتتاعى داۋىلعا دەيىن كۇشەيدى. عالىمدار اۋا رايى اۋىتقۋلارىنىڭ جيىلىگىن كليماتتىڭ وزگەرۋى مەن جاھاندىق جىلىنۋمەن بايلانىستىرىپ وتىر.