ميكروفون وشىرىلەدى: ترامپ پەن حارريس تەلەدەبات ەرەجەلەرى تۋرالى كەلىستى

استانا. KAZINFORM - سەيسەنبى كۇنى كانديداتتار پىكىرتالاسى وتەتىن امەريكالىق ABC تەلەارناسى ەكى ۇمىتكەر - كامالا حارريس پەن دونالد ترامپتىڭ پىكىرتالاس ميكروفوندارى ءبىر ۋاقىتتا ەمەس، كەزەك-كەزەك قوسىلاتىنىنا كەلىسكەنىن حابارلادى. بۇل تۋرالى BBC جازدى.

ماۋسىم ايىنىڭ سوڭىندا CNN- دە پىكىرتالاس ەرەجەلەرى بويىنشا داۋ بولدى. وندا دجو بايدەننىڭ سويلەۋىن ءبارى ءساتسىز دەپ باعالاپ، دەموكراتتار سايلاۋ ۇمىتكەرى رەتىندە كامالا ءحارريستى اۋىستىردى.

الايدا، وتكەن اپتادا حارريس سايلاۋالدى شتابى ارنا باسشىلىعىنا ەفير بويى قارسىلاستارىنىڭ ميكروفوندارىن وشىرمەۋدى تالاپ ەتىپ جۇگىنگەنى تۋرالى حابارلامالار پايدا بولدى.

بۇل ەكى ۇمىتكەرگە دە قارسىلاستىڭ داۋىسىن جاۋىپ، ءبىر ۋاقىتتا سويلەۋگە مۇمكىندىك بەرەدى.

«ۆيتسە-پرەزيدەنت ترامپتىڭ ناقتى ۋاقىت رەجيمىندە ۇنەمى وتىرىك ايتا بەرەتىنى مەن ءسوزدى بولە بەرەتىنىمەن كۇرەسۋگە دايىن. ترامپتىڭ دىبىستى ءوشىرۋ تۇيمەسىنە جۇگىنە بەرۋىن توقتاتۋ كەرەك»، - دەدى حارريس شتابىنىڭ كوممۋنيكاتسيالار جونىندەگى اعا كەڭەسشىسى حارريس برايان فەللون.

ترامپ قارسىلاسىن سويلەسۋدەن قاشۋعا تىرىستى دەپ ايىپتادى.

«شىن مانىندە، ول جاۋاپتان جالتاردى، ويتكەنى پىكىرتالاس جاساعىسى كەلمەيدى. ناقتىراق ايتقاندا، پىكىرتالاس جۇرگىزە المايدى»، - دەدى ەكس-پرەزيدەنت.

الايدا، سوڭىندا ەكى كانديداتتىڭ دا سايلاۋالدى شتابىنىڭ باسشىلارى تەلەراديوكومپانيا ۇسىنعان ەرەجەلەرمەن كەلىستى.

اۆتور
ەركەجان سماعۇلوۆا