ميانماداعى جەر سىلكىنىسى: ەۋروپالىق وداق كومەككە 2,5 ميلليون ەۋرو ءبولدى
استانا. KAZINFORM - گۋمانيتارلىق جاردەم ميانماداعى كومەككە مۇقتاج ادامداردىڭ ءومىرىن ساقتاپ قالۋعا ءارى شۇعىل قاجەتتىلىكتەرىن قاناعاتتاندىرۋعا كومەكتەسەدى، دەپ حابارلادى DW سايتى ەۋروكوميسسيانىڭ باسپا ءسوز قىزمەتىنە سىلتەمە جاساپ.
ميانمادا 1000 نان استام ادام قازا تاپقانى حابارلاندى.
ەۋروپالىق وداق ميانماداعى جەر سىلكىنىسىنەن زارداپ شەككەن ادامدارعا باستاپقى، شۇعىل كومەك رەتىندە 2,5 ميلليون ەۋرو بولەدى، دەلىنگەن جۇما، 28-ناۋرىزدا ەۋروپالىق كوميسسيانىڭ سايتىندا جاريالانعان باسپا ءسوز حابارلاماسىندا.
- بۇل جاڭا گۋمانيتارلىق كومەك قونىس اۋدارعان ادامدار مەن قاقتىعىستاردان زارداپ شەككەن قاۋىمداستىقتارعا ەرەكشە نازار اۋدارا وتىرىپ، ميانمانىڭ ەڭ وسال تۇرعىندارىنىڭ ءومىرىن ساقتاپ قالۋعا جانە شۇعىل قاجەتتىلىكتەرىن قاناعاتتاندىرۋعا كومەكتەسەدى، - دەلىنگەن حابارلامادا.
ە و جەر سىلكىنىسىنىڭ سالدارىن باعالاۋدى جەڭىلدەتۋ ءۇشىن ءوزىنىڭ كوپەرنيك سپۋتنيكتىك قىزمەتىن دە پايدالانعانى كورسەتىلگەن.
- ەۋروكوميسسيا گۋمانيتارلىق سەرىكتەستەرمەن بىرلەسىپ، ە و-نىڭ ودان ءارى كومەگىن جۇمىلدىرۋ ءۇشىن جەرگىلىكتى جەردەگى جاعداي مەن قاجەتتىلىكتەردى باعالايدى، - دەپ حابارلايدى ە ك باسپا ءسوز قىزمەتى.
اعىمداعى قارجى ءبولۋدى ەسكەرە وتىرىپ، ە و ميانماعا گۋمانيتارلىق كومەك كورسەتۋدى قارجىلاندىرۋدىڭ جالپى كولەمى 2025 -جىلى 35 ميلليون ەۋروعا جەتتى، دەلىنگەن حابارلامادا. ە و 1994 -جىلى ميانماعا گۋمانيتارلىق كومەك كورسەتە باستاعاننان بەرى جالپى قارجىلاندىرۋ 446 ميلليون ەۋرودان اسىپ جىعىلدى.
Reuters ەلدىڭ ءبىرقاتار قالالارىندا ينفراقۇرىلىمعا ايتارلىقتاي زيان كەلگەنىن حابارلادى. ەل استاناسى نەيپيتاۋدا زارداپ شەككەن عيماراتتاردىڭ اراسىندا 1000 توسەكتىك اۋرۋحانا دا بار ەكەنى بەلگىلى بولىپ وتىر.
ەسكە سالا كەتەيىك، ميانمادا جەر سىلكىنىسى سالدارىنان 1000 نان استام ادام قازا تاپتى.