مي ساۋ بولۋى ءۇشىن تۇندە نەشە ساعات ۇيىقتاۋ كەرەك؟ عالىمدار جاۋابى ءسىزدى تاڭعالدىرادى

ادەتتە ەرەسەكتەرگە تۇندە 7-8 ساعاتتان از ۇيىقتاماۋ ۇسىنىلادى. از ۇيىقتاۋ كوگنيتيۆتى دەنساۋلىققا جاعىمسىز اسەر ەتەدى جانە دەمەنسيا قاۋپىن ارتتىرادى دەپ سانالادى. وسى ورايدا، عالىمدار ۇيقى ۇزاقتىعى مەن مي ساۋلىعى اراسىندا سەبەپ- سالدارلى بايلانىس بار ما ەكەنىن انىقتاۋدى شەشەدى. ول ءۇشىن ولار 20-89 جاس ارالىعىنداعى 47 مىڭ ەر ادام مەن ايەل ميىنىڭ م ر ت مالىمەتتەرىن زەرتتەپ، ونى ولاردىڭ تۇنگى ۇيقىسىنىڭ ۇزاقتىعىمەن سالىستىرادى.

ناتيجەسىندە ولار ۇيقى ۇزاقتىعى مەن مي سەمۋىنىڭ (اتروفيا) اراسىندا بايلانىس بار ەكەنىنە دالەل تاپپايدى. الايدا عالىمدار وپتيمالدى دەپ 6,5 ساعاتتىق تۇنگى ۇيقىنى ساناۋعا بولادى دەگەن شەشىمگە كەلەدى. بۇل جاعدايدا قاتىسۋشىلاردا مي قابى استى قۇرىلىمىنىڭ ميكسيمالدى كولەمى بەلگىلەنگەن. زەرتتەۋ ناتيجەلەرى Nature Human Behaviour جۋرنالىندا جاريالانعان.

«ماڭىزدى ەسكەرتۋ: بۇل جەردە ءار ادامنىڭ وزىنە ءتان ۇيقى ەرەكشەلىكتەرى بار ەكەنىن ۇمىتپاۋ كەرەك. مىسالى، گەنەتيكالىق ايىرماشىلىق جانە الدىڭعى ۇيقى انامنەزىنە بايلانىستى وزگەشەلىكتەر بولادى. ەگەر ادامنىڭ ۇيقى رەجيمىنەن اۋىتقۋى ونىڭ ميىنىڭ ساۋلىعىنىڭ ناشارلاۋىنا اكەلسە، بۇل توپتىق اناليزدە انىقتالماۋى مۇمكىن. سوندىقتان ءبىز زەرتتەۋ ناتيجەسىنە قاراپ، ادامداردىڭ بارلىعى 6,5 ساعات ۇيىقتاۋ كەرەك دەپ ايتا المايمىز»، - دەپ ەسكەرتتى زەرتتەۋشىلەر.

دەسە دە، بۇل جۇمىستىڭ اۆتورلارى زەرتتەۋدەن الىنعان 6,5 ساعاتتىق نورما جاقىندا وتكەن 1 ميلليوننان اسا قاتىسۋشىسى بار اناليز مالىمەتتەرىمەن ۇقسايتىنىن ايتتى. 700 مىڭ قاتىسۋشىسى بار ءبىر زەرتتەۋ 7 ساعاتتىق ۇيقى كەڭىستىك ناۆيگاتسيا تاپسىرمالارىن شەشۋدىڭ ەڭ جوعارعى ونىمدىلىگىمەن بايلانىستى ەكەنىن انىقتادى. ال 400 مىڭ ادام قاتىسقان باسقا زەرتتەۋ 7 ساعات ۇيىقتايتىن ادامداردا دەمەنتسيا قاۋپى وتە تومەن ەكەنىن انىقتادى.

«وسىلايشا، بۇل مالىمەتتەر سوماتيكالىق دەنساۋلىق پەن مي ساۋلىعى شامامەن 7 ساعاتتىق ۇيقىمەن بايلانىستى ەكەنىن كورسەتەدى»، - دەپ قورىتىندىلادى عالىمدار.