مونشاعا ءتۇسۋ كىمدەرگە قاۋىپتى بولۋى مۇمكىن؟

استانا. KAZINFORM - مونشاعا ءتۇسۋ دەنساۋلىققا قاۋىپ ءتوندىرۋى مۇمكىن، سوندىقتان قاۋىپتى ازايتۋ ءۇشىن ىشىمدىكتەن اۋلاق بولعان جانە دەنساۋلىقتى باقىلاۋدا ۇستاعان ءجون. گيپەرتونيا جانە وكپە اۋرۋىنا شالدىققان ناۋقاستار وسىنداي ماسەلەگە تاپ بولۋى مۇمكىن.

بۇل تۋرالى Lenta.ru-عا كارديولوگ ياروسلاۆ اشيحمين ايتتى، - دەپ حابارلايدى Massaget.kz ءتىلشىسى.

دارىگەردىڭ سوزىنشە، مونشاعا بارار الدىندا ءتىپتى ءبىر ستاقان سىرا ىشۋگە بولمايدى، ويتكەنى مۇنداي كەزدە مونشانىڭ پايداسى بولمايدى. سونداي-اق، مونشاعا بارعان كەزدە گيپەرتونيامەن، تومەن قان قىسىمىمەن، سونداي-اق، وكپە اۋرۋلارىمەن اۋىراتىن ادامدار ماسەلەگە تاپ بولۋى مۇمكىن.

ماماننىڭ پىكىرىنشە، ادام ەشقاشان مونشادا بۋدا وتىرىپ كورمەسە، وندا العاشىندا ەڭ كوپ دەگەندە ەكى مينۋت قانا وتىرۋى كەرەك. دەگەنمەن، ياروسلاۆ اشيحميننىڭ سوزىنشە، ۇزاق دايىندالعان ادامداردىڭ جۇرەك-قان تامىرلارى جۇيەسىنە مونشا نەمەسە ساۋنا وڭ اسەر ەتەتىنىن كورسەتەتىن زەرتتەۋلەر دە بار.