موپەد يەلەرى ەندى A1 ساناتىنداعى جۇرگىزۋشى كۋالىگىن الۋعا مىندەتتى

استانا. KAZINFORM - بۇل تۋرالى بريفينگ بارىسىندا ق ر ىشكى ىستەر مينيسترلىگىنىڭ رەسمي وكىلى شىڭعىس الەكەشەۆ ءمالىم ەتتى.

ونىڭ سوزىنشە، 3-قازان كۇنى ەلىمىزدە اكىمشىلىك قۇقىق بۇزۋشىلىقتار تۋرالى كودەكس پەن جول قوزعالىسىن رەتتەۋگە باعىتتالعان زاڭناماعا اۋقىمدى وزگەرىستەر ەنگىزەتىن زاڭدارعا قول قويىلدى. ولاردىڭ باستى بولىكتەرى بيىلعى جىلدىڭ 4- جەلتوقسانىندا كۇشىنە ەنەدى. ال 2025 -جىلدىڭ 4 شى ساۋىرىنەن باستاپ، موپەد جۇرگىزۋشىلەرىنە قاتىستى وزگەرىستەر ىسكە قوسىلادى.

«تاعى ءبىز ماڭىزدى وزگەرىس موپەدتەردىڭ مىندەتتى مەملەكەتتىك تىركەۋى بولىپ تابىلادى. موپەد جۇرگىزۋشىلەرى ەندى كولىك قۇرالىن تىركەۋگە جانە A1 ساناتىنداعى جۇرگىزۋشى كۋالىگىن الۋعا مىندەتتى. ەگەر جۇرگىزۋشىنىڭ A جانە B ساناتىنداعى جۇرگىزۋشى كۋالىگى بار بولسا، ول موپەد جۇرگىزە الادى»، - دەدى شىڭعىس الەكەشيەۆ.

ونىڭ سوزىنشە، 2025 -جىلدىڭ 4- ءساۋىرى كۇنى موپەد جۇرگىزۋشىلەرىنە جول قوزعالىسىنا بايلانىستى بارلىق تالاپتار قويىلا باستايدى. ونىڭ ىشىندە موپەدتى ىشىمدىك ءىشىپ الىپ جۇرگىزۋگە تىيىم سالۋ تالابى دا بار.

«وزگەرىستەرگە ساي، جۇرگىزۋشى كۋالىگى جوق ادام ماس كۇيىندە كولىك باسقارىپ ۇستالسا، ول جۇرگىزۋشى كۋالىگىنە 7 جىلعا دەيىن ەمتيحان تاپسىرا المايدى. وسىنداي تالاپتار مەديتسينالىق كۋالاندىرۋدان وتپەگەندەرگە قاتىستى دا قويىلادى»، - دەپ ەسكەرتتى ق ر ىشكى ىستەر مينيسترلىگىنىڭ رەسمي وكىلى.

ول سونىمەن قاتار جاڭا تالاپتاردىڭ ءبىرىنشى كەزەكتە جۇرگىزۋشىلەردىڭ جاۋاپكەرشىلىگىن ارتتىرىپ، الكوگولدى ىشىمدىك ءىشىپ، ەسىرتكى قابىلداپ، كولىك باسقارۋ ارەكەتتەرىنىڭ الدىن الۋمەن بايلانىستى ەكەنىن جەتكىزدى.