وتكەن تۇندە موڭعوليانىڭ سولتۇستىك- باتىسىنداعى زاۆحان ايماعى تەلمەن سومونىندا مينۋس 38.1 سەلسي گرادۋسقا دەيىن اياز تىركەلدى. بۇل تۋرالى بەيسەنبى كۇنى ەلدىڭ قورشاعان ورتا مەتەورولوگيا جانە مونيتورينگى ينستيتۋتى ءمالىم ەتتى. Kazinform بۇل تۋرالى شينحۋا اگەنتتىگىنە سىلتەمە جاساپ حابارلايدى.
«سارسەنبى تۇندە موڭعوليانىڭ كوپ بولىگىندە تىركەلگەن ايازدان كەيىن سۋحبااتار، حەنتي، دورنود جانە دورنوگوۆ ايماقتارىندا قالىڭ قار جاۋدى. اۋا رايىنىڭ قولايسىزدىعىنا بايلانىستى قىتايمەن شەكاراداعى دورنود جانە دورنوگوۆ شىعىس ايماقتارىندا ۋاقىتشا جولدار جابىلدى»، - دەلىنگەن رەسمي حابارلامادا.
مەتەورولوگتاردىڭ سوزىنشە، موڭعوليادا اپتا سوڭىنا دەيىن وسىنداي اياز ساقتالادى. جالپى موڭعوليادا قىس قاتتى ءارى ۇزاق بولادى. اۋا تەمپەراتۋراسى 25 گرادۋستان 45 گرادۋس نولدەن تومەنگە دەيىن جەتەدى.
1966 -جىلدىڭ 26-جەلتوقسانىندا موڭعوليانىڭ سولتۇستىك- باتىسىنداعى ۋۆس ايماعى زۋۋنگوۆ سومونىندا ەڭ سۋىق اۋا رايى - مينۋس 55,6 سەلسي گرادۋس تىركەلگەنىن ەسكە سالا كەتەيىك.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан