موڭعوليادا ۇكىمەت باسشىسى اۋىستى

استانا. KAZINFORM - گومبوجاۆىن زاندانشاتار موڭعوليانىڭ 34-پرەمەر-ءمينيسترى بولىپ تاعايىندالدى، دەپ حابارلايدى مونتسامە.

13-ماۋسىمدا گومبوجاۆىن زاندانشاتار موڭعوليانىڭ 34-پرەمەر- ءمينيسترى رەتىندە رەسمي تۇردە قىزمەتىنە كىرىستى.

موڭعوليانىڭ 33-پرەمەر- ءمينيسترى لۋۆساننامسراين ويۋۋن- ەردەنە وكىلەتتىلىگىن تاپسىرا وتىرىپ، زاندانشاتارعا موڭعوليانى دامىتۋ جولىنداعى ۇلكەن ەڭبەگىنە ساتتىلىك تىلەدى جانە ەلدىڭ ۇزاقمەرزىمدى دامۋ ساياساتى - «كوزقاراس 2050» باعدارلاماسىن جالعاستىرۋىن سۇرادى.

جاڭا پرەمەر- مينيستر گومبوجاۆىن زاندانشاتار ءوز كەزەگىندە لۋۆساننامسراين ويۋۋن- ەردەنەگە تابىس تىلەپ، ونىڭ «كوزقاراس 2050»، «جاڭا قالپىنا كەلتىرۋ ساياساتى» جانە ءىرى دامۋ مەگاجوبالارىن تابىستى جۇزەگە اسىرۋ جولىنداعى جوعارى جەتىستىكتەرى مەن ەڭبەگى موڭعوليا تاريحىندا قالاتىنىن اتاپ ءوتتى. سونداي-اق ول ەكس- پرەمەرگە بولاشاق باستامالارىندا ساتتىلىك تىلەدى.

سونىمەن قوسا موڭعوليا پرەزيدەنتى ۋحنااگيين ءحۇرەلسۇحتىڭ وكىمىنە سايكەس التانحۋياگين ۋيلستۋگۋلدۋر موڭعوليا پرەزيدەنتى اكىمشىلىگىنىڭ باسشىسى بولىپ تاعايىندالدى.

قىسقاشا ءومىربايانى:

1999- 2003 ج ج. - موڭعوليانىڭ ۇلتتىق قوعامدىق راديو جانە تەلەديدارىندا جۇرگىزۋشى؛

2002- 2006 ج ج. - «ۋلاانبااتار» راديوسىنداعى FM-101.7 تولقىنىندا جۇرگىزۋشى جانە پروديۋسەر؛

2006- 2009 ج ج. - FM-104 راديوستانتسياسىنىڭ ديرەكتورى؛

2009- 2011 جج . - TV-8 تەلەارناسىنىڭ ديرەكتورى؛

2011- 2013 ج ج. - «SEVEN» تەلەارناسىنىڭ ديرەكتورى؛

2013- 2014 جج. - موڭعوليانىڭ سوتسيال- دەموكراتيالىق جاستار وداعىنىڭ قوعاممەن بايلانىس جانە ب ا ق جونىندەگى ءبولىمىنىڭ باسشىسى؛

2016 -جىلدان باستاپ - موڭعوليانىڭ سوتسيال- دەموكراتيالىق جاستار وداعى باسقارما كەڭەسىنىڭ مۇشەسى؛

2016- 2017 ج ج. - موڭعوليا پرەمەر- ءمينيسترىنىڭ ورىنباسارىنىڭ كەڭەسشىسى؛

2017- 2020 ج ج. - موڭعوليا پرەمەر- ءمينيسترىنىڭ كەڭەسشىسى؛

2019 -جىلدان باستاپ - موڭعوليانىڭ تەلەكوممۋنيكاتسيالاردى رەتتەۋ كوميتەتىنىڭ مۇشەسى؛

2020- 2021 ج ج. - موڭعوليا پرەمەر- ءمينيسترىنىڭ كەڭەسشىسى؛

2021 -جىلدان باستاپ - موڭعوليا پرەزيدەنتى اكىمشىلىگى باسشىسىنىڭ ورىنباسارى.