استانا. KAZINFORM - پارلامەنت ءماجىلىسىنىڭ قاراۋىنا «ءبىر تاراپتان ەۋرازيالىق ەكونوميكالىق وداق پەن وعان مۇشە مەملەكەتتەر جانە ەكىنشى تاراپتان موڭعوليا اراسىنداعى ۋاقىتشا ساۋدا كەلىسىمىن راتيفيكاتسيالاۋ تۋرالى» زاڭ جوباسى ەنگىزىلدى.
- اتالعان كەلىسىمگە 2025 -جىلعى 27 - مۋسىمدا مينسكىدە قول قويىلدى. كەلىسىمنىڭ نەگىزگى ماقساتى - ەۋرازيالىق ەكونوميكالىق وداق ەلدەرى مەن موڭعوليا اراسىنداعى ساۋدا قاتىناستارىن دامىتۋ جانە نىعايتۋ. سونىمەن قاتار قازاقستان تاۋارلارىن موڭعوليا نارىعىنا شىعارۋعا قولايلى جاعداي جاسالادى. وسى ورايدا ءماجىلىستىڭ ەكونوميكالىق رەفورما جانە وڭىرلىك دامۋ كوميتەتى زاڭ جوباسى بويىنشا قورىتىندى ازىرلەۋگە دايىن، - دەدى دەپۋتات نۇرتاي سابيليانوۆ ءماجىلىستىڭ جالپى وتىرىسىندا.
بۇدان بۇرىن حابارلانعانداي، وتكەن جىلعى قاڭتار- قاراشاداعى قازاقستان مەن موڭعوليا اراسىنداعى تاۋار اينالىمى $121,5 ميلليونعا جەتكەن.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.