- موڭعوليا پرەزيدەنتى رەتىندە 20 جىلدان كەيىن قازاقستانعا مەملەكەتتىك ساپارمەن كەلۋ قۇرمەتىنە يە بولعانىما قۋانىشتىمىن. دەلەگاتسيامىزدى جىلى شىرايمەن جانە قوناقجايلىقپەن قارسى العانىڭىز ءۇشىن قازاقستان ۇكىمەتى مەن دوستاس حالىققا شىن جۇرەكتەن العىس بىلدىرەمىن، - دەدى موڭعوليا پرەزيدەنتى.
مارتەبەلى مەيمان بۇل ساپارى تاريحى ورتاق ەكى حالىقتىڭ دوستىعىن ودان ارى نىعايتىپ، ەكى ەلدىڭ ىنتىماقتاستىعىن كەڭەيتە تۇسەرىنە سەنىم ءبىلدىردى.
- ءسىزدىڭ باستاماڭىزبەن، بۇكىل حالىقتىڭ قولداۋىمەن وتكىزىلگەن رەفەرەندۋم بارىسىندا جاڭا كونستيتۋتسيالارىڭىزدىڭ قابىلدانۋىمەن قۇتتىقتايمىن. بۇل تاريحي وقيعا قازاقستاندا دەموكراتيانى، زاڭ ۇستەمدىگىن، ادام قۇقىقتارى مەن بوستاندىعىن نىعايتىپ، ەكونوميكالىق دامۋدىڭ جەدەلدەۋىنە بەرىك نەگىز بولارىنا سەنىمدىمىن. قازاقستاندى جاقىن سەرىكتەسىمىز، ورتالىق ازياداعى مىعىم كوپىر دەپ سانايمىز. ەكونوميكالىق ىنتىماقتاستىعىمىزدى مال شارۋاشىلىعى، جەڭىل ونەركاسىپ، تۋريزم سىندى كوپتەگەن سالالادا دامىتۋعا الەۋەتىمىز زور. 2024 -جىلعى ساپارىڭىز كەزىندە 2025-2027 -جىلدارعا ارنالعان ساۋدا-ەكونوميكالىق ىنتىماقتاستىقتى دامىتۋ جول كارتاسى بەكىتىلىپ، ءوزارا تاۋار اينالىمىن 500 ميلليون دوللارعا جەتكىزۋ ماقساتى قويىلدى. قازاقستاننان جەمىس-جيدەك، كوكونىس، بيداي، سونىمەن قاتار ساپالى بيداي تۇقىمى كولەمىن ارتتىرۋ ءۇشىن ىنتىماقتاستىقتى كۇشەيتۋگە مۇمكىندىگىمىز بار، - دەدى ۋحنااگين ءحۋرەلسۇح.