موڭعولدار كەلمەي تۇرىپ قازاقتار كوك كوزدى بولعانى راس پا

تاريحشى جاقسىلىق سابيتوۆ قازاقستاندا كەڭ تارالعان ويعا قاتىستى پىكىر ءبىلدىردى، دەپ حابارلايدى Ulysmedia.kz.

ەلىمىزدە كوپتەگەن ادام «موڭعولدار كەلمەي تۇرىپ قازاقتار كوك كوزدى بولعان» دەگەن پىكىرگە سەنەدى. تاريحشى جاقسىلىق سابيتوۆ بۇل پىكىردىڭ راس-وتىرىگىن عانا ەمەس، سونىمەن قاتار، ونىڭ قايدان شىققانىن دا ايتىپ بەردى.

- بۇل ءميفتىڭ اۆتورى - ورازاق يسماعۇلوۆ. ونىڭ تۇتاس توم-توم جاقسى كىتاپتارى بار. ءبىراق ول كىتاپتاردى وقي باستاساڭىز، تۇك تۇسىنبەي قالاسىز. ال ءسىز قازىر ايتىپ وتىرعان ميف - بۇل سول كىتاپتاردىڭ حالىقشا تۇسىندىرىلگەن نۇسقاسى. ءبىزدىڭ قان قۇرامىمىزدىڭ تورتتەن ءبىرى اندروندىقتاردان، سكيفتەر مەن ساقتاردان باستاۋ الادى. ءبىراق XIII عاسىردا، موڭعولدار كەلمەي تۇرىپ، قازاقتاردىڭ اتا-بابالارى، ياعني وسى جەردە ءومىر سۇرگەن حالىقتىڭ كەلبەتى 50 دە 50 بولعان: ياعني P - موڭعولويدتىق، P - ەۋروپەويدتىق. ال موڭعولدار مەن شىعىس تۇرىكتەرى كەلگەننەن كەيىن بۇل اراقاتىناس p بەن 0 بولدى، دەيدى تاريحشى. 

ەگەر قارايتىن بولساق، ول كەزدىڭ ادامدارى انتروپولوگيالىق جاعىنان زاۋرالە باشقۇرتتارىنا كوبىرەك ۇقساعان.

- ياعني بۇل - موڭعولدار مەن شىعىس تۇرىكتەرى كەلمەي تۇرىپ ءومىر سۇرگەن حالىق. سوندىقتان، جالپى العاندا، بۇل پىكىردە بەلگىلى ءبىر عىلىمي شىندىق بار، ءبىراق ول ءسال «باسقاشالاۋ». ءبىز تەك ءبىر اتا-باباعا نازار اۋدارامىز. مىسالى، سىزدە بىرنەشە اتا-اجەڭىز بار، سونىڭ بىرەۋى سىزگە 14 بولمەلى پاتەر قالدىردى دەلىك. ءسىز سول اجەڭىزگە عانا ۇقسايمىن دەيسىز، سويلەۋ مانەرىم دە سونداي دەيسىز... ال باسقا اتا-اجەلەرىڭىزدى ەسىڭىزگە دە المايسىز، - دەدى تاريحشى Qalam YouTube-ارناسىنىڭ ەفيرىندە.