موبيلدى اۋدارىمداردى تۋىس-تانىستار ارقىلى قابىلداۋعا تىيىم جوق-قارجى مينيسترلىگى
استانا. KAZINFORM - ەلىمىزدە موبيلدى اۋدارىمدار بويىنشا اقپاراتتىق ءتۇسىندىرۋ جۇمىستارى جالعاسىپ جاتىر.
«جەكە تۇلعالار اراسىندا ءموبيلدى اۋدارىمداردى تۋىستارى، ارىپتەستەرىنە جىبەرۋ ارقىلى قابىلداۋعا تىيىم جوق. ال موبيلدى اۋدارىمعا جاتپايتىن قىزمەت تۇرلەر تولەمى تەرمينال ارقىلى جۇزەگە اسىرىلۋى ءتيىس. بۇل جەكە تۇلعانىڭ كاسىپكەر ەكەنىن بىلدىرەدى»، - دەدى قارجى ۆيتسە- ءمينيسترى ەرجان ءبىرجانوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ۆيتسە- ءمينيستردىڭ ايتۋىنشا، قازىر ەل اۋماعىندا موبيلدى اۋدارىمدارعا قاتىستى ءتۇسىندىرۋ جۇمىستارى جۇرگىزىلىپ جاتىر. ونىڭ قاتارىندا بازارلار، ساۋدا ۇيلەرى مەن بيزنەس وبەكتىلەرى بار.
«بيىل جەكە كاسىپكەرلەرگە ءتۇسىندىرۋ جۇمىستارىن وتكىزىپ، ەسكەرتەمىز. كەلەسى جىلدان (2025-جىل) جەكە كاسىپكەر رەتىندە تىركەلگەندەر تۋرالى مالىمەتتەردى جينايمىز. سول ارقىلى كاسىپكەردىڭ زاڭدى ەڭبەك ەتىپ جاتقانى انىقتالادى»،- دەيدى سپيكەر.