موبيلدى اۋدارىمداردى تەكسەرۋ كاسىپكەرلەردىڭ جۇمىسىنا قالاي اسەر ەتتى؟

استانا. KAZINFORM - ۇلتتىق ەكونوميكا ءبىرىنشى ۆيتسە-ءمينيسترى تيمۋر جاقسىلىقوۆ قازاقستاندا موبيلدى اۋدارىمداردى تەكسەرۋ كاسىپكەرلەردىڭ جۇمىسىنا قالاي اسەر ەتەتىنىن ايتتى، - دەپ حابارلايدى Massaget.kz ءتىلشىسى.

ۇلتتىق بانك مالىمەتىنشە، (تۇرعىندار - ەسك.) قولما-قول اقشانى ءجيى پايدالانا باستاعان.

«قازىر ءبىز بۇدان باسقا ەشقانداي جاعىمسىز جاعدايدى كورمەدىك. بۇگىندە قولما-قول اقشامەن ساۋدا جاساۋعا كوشكەن كاسىپكەرلەردىڭ ءبىر بولىگى شىعىنعا ۇشىراپ جاتقانى تۇسىنىكتى. كليەنتتەر قولايلى جاعدايعا، قولما-قول اقشاسىز ەسەپ ايىرىسۋعا ابدەن ۇيرەندى. كوپتەگەن كليەنت ەندى قولما-قول اقشانى قايتا پايدالانعىسى كەلمەيدى. دەمەك ولار قولما-قولما اقشاسىز ەسەپ ايىرىساتىن كاسىپكەرلەرگە بارادى. وسىلايشا، تۇتىنۋشىلار داۋىس بەرىپ جاتىر. مەن كوپتەگەن كاسىپكەر بۇل جاعدايدا دا بەيىمدەلەدى دەپ ويلايمىن»، - دەدى تيمۋر جاقسىلىقوۆ سەنات كۋلۋارىندا.

ەسكە سالايىق، بۇعان دەيىن بىلتىر قازاقستاندىقتار قانشا تەڭگە موبيلدى اۋدارىم جاساعانى حابارلاندى.

سونىمەن قاتار، الماتى قالاسى ناۋرىزباي اۋدانى بويىنشا مەملەكەتتىك كىرىستەر باسقارماسىنىڭ باسشىسى بەرىك كايپوۆ موبيلدى اۋدارىمدارعا قاتىستى ەڭ ماڭىزدى سۇراقتارعا جاۋاپ بەردى.