موبيلدى اۋدارىمداردىڭ قانداي ارتىقشىلىعى بار

استانا. KAZINFORM - قارجى ۆيتسە-ءمينيسترى ەرجان ءبىرجانوۆ موبيلدى اۋدارىمداردىڭ ارتىق تۇستارىن ءتۇسىندىردى. سونىمەن قاتار اۋدارىم جاساۋدىڭ زاڭدى ءتاسىلى تۋرالى ايتىپ بەردى.

«موبيلدى اۋدارىمدى ۇيالى تەلەفونعا بالانس ارقىلى قابىلداۋ كەيبىر جەكە كاسىپكەرلەردىڭ ويلاپ تاپقانى بولۋى كەرەك. ءار كليەنت ونىڭ ۇيالى تەلەفون ءنومىرىن تەرۋى كەرەك، بۇل ىڭعايسىز. كليەنت وزىنە ىڭعايلى تولەم ءتۇرىن تاڭداي الادى. ءوزىم كليەنت رەتىندە بالانس تۇرىندە اۋدارىم جاسامايمىن، بانك كارتاسى نەمەسە QR ارقىلى تولەيمىن. ونىڭ ۇستىنە بانك كارتاسى نەمەسە QR ارقىلى جاسالعان تولەمگە كەشبەك بەرىلەدى»، - دەدى ەرجان ءبىرجانوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

قارجى ءمينيسترىنىڭ ايتۋىنشا، كەيبىر كاسىپكەرلەردىڭ مۇنداي ادىسكە بارۋى ۋاقىتشا قۇبىلىس.

«جەكە كاسىپكەرلەرگە قويىلاتىن قازىرگى تالاپ - موبيلدى اۋدارىم ءبىر ايدىڭ ىشىندە 100 ءتۇرلى ادامنان بولۋعا جانە 100 تولەم جاساۋعا رۇقسات، ودان اسپاۋى ءتيىس. موبيلدى وپەراتورلار ارقىلى تولەم قابىلداۋ جاپپاي تاراعان جاعدايدا ءبىز ول ءادىستى باقىلاۋعا الامىز»، - دەيدى ۆيتسە-مينيستر.