كورەيادا مەترو قۇرىلىسى وپىرىلىپ قۇلادى
استانا. KAZINFORM - كورەيا رەسپۋبليكاسىنداعى مەترو قۇرىلىسى وپىرىلىپ قۇلادى. بۇل تۋرالى پوليتسياعا سىلتەمە جاساپ، رەنحاپ اگەنتتىگى حابارلادى دەپ جازدى شينحۋا.
ەل استاناسى سەۋلدىڭ وڭتۇستىگىندەگى گۆانمەنگ قالاسىنداعى جەر استى قۇرىلىس الاڭى جەرگىلىكتى ۋاقىت بويىنشا شاماماەن 15:13 تە وپىرىلعان . ۋچاسكەدەگى 17 جۇمىسشىنىڭ بىرەۋى جەر استىندا قالىپ، ءبىر ەكسكاۆاتورشى ءىز-ءتۇزسىز جوعالىپ كەتكەن.
اپات كەسىرىنەن جولدار مەن جاقىن ماڭداعى كوممەرتسيالىق نىساندار زاقىمدانعان.
سونىڭ الدىندا عانا سالىنىپ جاتقان جەراستى توننەلىنىڭ تىرەۋىشتەرىندە جارىقتار بار ەكەنى ايتىلىپ، وپىرىلۋى مۇمكىن ەكەنى بولجانعان كورىنەدى.
اپاتتان كەيىن ماڭىنداعى جولدار تۇگەلىمەن جابىلىپ، قوزعالىس شەكتەلگەن.
جاقىن ماڭايدا تۇراتىن تۇرعىنداردى ەۆاكۋاتسيالاۋ تۋرالى بۇيرىق بەرىلدى، دەيدى بيلىك وكىلدەرى.