مەتال باعاسىنىڭ ءتۇسۋى بيۋدجەت كىرىسىن كەمىتتى - قارجى ءمينيسترى
استانا. KAZINFORM - قارجى ءمينيسترى ءمادي تاكيەۆ ۇكىمەت وتىرىسىندا قاڭتار-اقپان ايلارىندا رەسپۋبليكالىق بيۋدجەتتىڭ كىرىس جوسپارى تولىق ورىندالماي قالعانىن ءمالىم ەتتى.
«رەسپۋبليكالىق بيۋدجەتكە 1 تريلليون 902 ميلليارد تەڭگە كىرىس ءتۇستى نەمەسە جوسپار �- عا ورىندالدى. كىرىس جوسپارى 396 ميلليارد تەڭگەگە ورىندالمادى. بۇل يمپورتقا قوسىلعان قۇن سالىعى، كورپوراتيۆتىك تابىس سالىعى جانە شيكى مۇنايعا ەكسپورتتىق كەدەن باجى. باستى سەبەپتەردىڭ ءبىرى - نەگىزگى ەكسپورتتىق تاۋارلارعا الەمدىك باعانىڭ تومەندەۋ ءۇردىسى. ماسەلەن، اعىمداعى جىلعى قاڭتار-اقپاندا مەتالداردىڭ باعاسى ورتا ەسەپپەن %9,1 تومەندەگەن. سونداي- اق، «تەڭىزشيەۆرويل» جاۋاپكەرشىلىگى شەكتەۋلى سەرىكتەستىگىنىڭ مۇنايدىڭ ەكسپورت كولەمىن 2022-جىلعى جەلتوقساننان 2023 -جىلعى قاڭتارعا اۋىستىرۋىنا بايلانىستى ەكسپورتتىق كەدەن باجىنىڭ سالىعى سالىناتىن شيكى مۇناي ەكسپورتى كولەمىنىڭ 1 ميلليون تونناعا ازايعانى بايقالادى»، - دەدى مينيستر.
سونداي- اق، ول جوسپاردىڭ ورىندالماۋىنا 2023-جىلعى قوسىلعان قۇن سالىعىنىڭ 594 ميلليارد تەڭگەنىڭ 252 م ميلليارد تەڭگەسى ءالى بيۋدجەتكە تۇسپەگەنى اسەر ەتكەنىن ەسكە سالدى.
اۆتور
ەسىمجان ناقتىباي