مۇسابەك بايزاق ۇلى ولەڭدەرى
اقىننىڭ «سۇيگەنىمدى ساعىندىم»، «سىرىم قىزعا» سەكىلدى ولەڭدەرى بەرىلدى
سۇيگەنىمدى ساعىندىم
سۇيگەنىمدى ساعىنىپ،
سارعايدىم قاتىپ سابانداي.
ساعىنسامدا كورۋگە،
امالىن تۇرمىن تابا الماي.
كوڭىلدى اشار ديديارىن،
كوكتەمگى باحار سامالداي.
ءىشىمدى ورتەپ عاشىقتىق،
الىپ تۇر سابىر، قاراردى-اي.
جاتكىزەر زامان بار ما ەكەن،
اسىل زاتىم ساعاندا-اي؟
عاشىقتىق جامان ءورت ەكەن،
جاندىردى مەنىڭ ءىشىمدى،
كورسەتەر مە ەكەن قۇدايىم،
سۇيىكتى سىزدەي كىسىمدى،
سۋرەتىڭ اسقان جاهاننان،
پەرىشتە حورلار ءپىشىندى.
سۇيگەنىمدى ساعىنىپ،
سارعايدىم قاتىپ سابانداي.
ساعىنسامدا كورۋگە،
امالىن تۇرمىن تابا الماي.
كوڭىلدى اشار ديديارىن،
كوكتەمگى باحار سامالداي.
ىشىمدى ورتەپ عاشىقتىق،
الىپ تۇر سابىر، قاراردى-اي.
جاتكىزەر زامان بار ما ەكەن،
اسىل زاتىم ساعاندا-اي؟
عاشىقتىق جامان ورت ەكەن،
جاندىردى مەنىڭ ءىشىمدى،
كورسەتەر مە ەكەن قۇدايىم،
سۇيىكتى سىزدەي كىسىمدى،
سۋرەتىڭ اسقان جاهاننان،
پەرىشتە حورلار ءپىشىندى.
ايتا الماي ءجۇرمىن ارماندا،
جولىعىپ ىشكى دەرتىمدى.
اۋىزدان شىققان لەبىزىن،
ەسىتكەن جاندى ماس قىلار.
ەسىمە تۇسسەڭ ىنتىعىم،
كۇننەن- كۇنگە اسقىنار.
بىلدىرەر ساعان امال جوق،
مولتىلدەپ كوزدە جاس تۇرار.
جولىقتىرىپ قۇدايىم،
اۋرۋدان قاشان باستىرار.
ساعىنعاننىڭ سالدارى،
ويلاسام بالقىپ سۇيەگىم.
جولىعار زامان بار ما ەكەن،
ويداعى شىرىن سۇيەرىم؟
قالىڭ قالاي دەيمىسىڭ،
اسقىندى جانىپ جۇرەگىم.
ءبىز ءبىر بۇلبۇل سايراعان،
اشىلعان ءسىز ءبىر قىزىل گۇل.
تاعىرىپىڭا جەتە الماي،
ماقتاعانمەن قىزىل ءتىل.
جۇزىڭنەن سەرپىپ ورامال،
قاراڭعى تۇندى ايدىن قىل.
جۇرەگىمە اس باتپاي،
عاشىقتىق دەرتى قىلدى ءزىل.
ءوزىمدى ايتىپ ءبىلدىردىم،
نە قىلاسىڭ ەندى ءوزىڭ ءبىل.
عاشىقتىقتان ورتەنىپ،
قاشانعى كۇيىپ جانامىن؟
كەيبىردە اڭساپ ساعىنىپ،
ويلاسام ەستەن تانامىن.
ويداعى بولىپ نالۋىم،
قاي ۋاقىتتا مەيىرىم قانامىن.
ۇيقتاسام ويدان شىقپايسىڭ،
وياۋ بولسام كوڭىلدە.
ءوزىم قايدا جۇرسەم دە،
كوڭىلىم سەنىڭ جونىڭدە.
ارمانسىز رەكىن جولىعىپ،
تارقار ما شەرىم مەنىڭ دە؟
كوزىمنەن عايىپ بولساڭ دا،
كوڭىلدە تۇرسىڭ كولبەكتەپ.
كوز الدىمنان كەتپەيدى
سۋرەتىڭ دايىم ەلبەكتەپ.
قىلىعىڭ ەسكە تۇسكەندە.
اشىلار كوڭىلىم سەرگەكتەپ.
ساعىنعانمەن جەتۋگە،
ارادا ادىر، دوڭبەك كوپ.
ۇشقان قۇستاي بولار ەم،
ءسىز جاققا جۇرسەم ءبىر-بىرلەپ.
جۇرۋگە ءالىم كەلمەسە،
جەتەر ەدىم ەڭبەكتەپ.
سىرىم قىزعا
حات جازدىم عاشىقتىقپەن سىرىمجانعا،
بەرمەۋشى ەم بۇرىن كوڭىل ەشبىر جانعا.
ساۋلەسى قاراڭعى ءۇيدى جارىق قىلعان،
ۇقسايدى -اۋ اق بەتىڭىز اتقان تاڭعا.
سىرتىڭنان، سىرىم، سەنىڭ بولدىم عاشىق،
جىبەردىم سالەم ايتىپ حاتقا باسىپ.
بىلمەيمىن هۇرىمىسىڭ، پەرىمىسىڭ،
قىز تۋماس بۇل جالعاندا سەنەن اسىپ.
اق بەتىڭ اعاش ۇيدە جانعان شامداي،
شىندە قاراڭعى ءۇيدىڭ اتقان تاڭداي.
كورمەككە ، سىرىم سەنى بولدىم عاشىق،
بۇرىنعى ءوتىپ كەتكەن كۇلاندامداي.
بالاسى تەكتى اتانىڭ سىرىم ايىم
قىلدى عاشىق جامالىڭا ءبىر قۇدايىم.
كورمەككە، سىرىم، سەنى بولدىم عاشىق،
بۇرىنعى وتكەن لايلى -ءماجنۇندايىن.
بەتىڭ قىزىل قارعا قان تامعانىنداي،
قانداي ادام وزىڭە تاڭدانبايدى-اي؟
ۇرىم،يران، ستامبۋل، ورىس، قىتاي،
ەشبىرىنەن سىزدەردەي جان بولمايدى-اي.
بەتىڭ اقشىل ناۋرىزدىڭ قارىنداي-دى،
شاشىڭ مايدا جىبەكتىڭ تالىنداي-دى.
ارقا، بحار، ءاندىجان، پەتروگراد
بارشاسىنان سىزدەي جان تابىلمايدى.
ويلاپ تۇرسام قاسىڭ-جاي، كوڭىلىڭ-كيىك،
اق بەتىڭنەن كۇن بار ما، جاتار ءسۇيىپ؟
سىرتىڭنان «پالەن-تۇگەن» دەيدى دۇشپان،
جەتە الماي ارماندا بوپ جەدىم پۇشمان.
دامەلى قارشىعا دا، قارا قۇس تا،
بوپ تۇرسىڭ سەن ءبىر ۇيرەك كولدەن ۇشقان.
ارشىن توس، الما مويىن، قيعاش قاستان،
ەشبىر جان كورە المادىم سەنەن اسقان.
سىرىم، سىزدەن باسقامەن ءىسىمىز نە-اي؟
جامانعا كورسەتپەسىن ءتۇسىمىزدى-اي!
تەڭىزدەن شىعىپ تۇرعان ءسىز ءبىر سەدەپ،
ءدۇر تامار قاي بۇلىتتان ەتىڭىزگە-اي.
اشىلعان ەكى بەتىڭ قىزىل گۇلدەي،
دال بولار كورگەن ادام ەسىن بىلمەي.
الدە قانداي ادامعا قور بولاسىڭ؟
قالىڭ قارا بۇلىتقا كىرگەن كۇندەي!
اۋىلىڭ جىلدا شىعار سارى سۋعا،
جولىقتىڭ قونىستاس بوپ قىپشاق قۋعا.
اقىلىڭ جۇرتتان اسقان ءبىر بالا ەدىڭ،
قيمايمىز ءجۇزى بوتەن جەتى رۋعا.
تيدىڭ بە، سىرىم، سوعان ءوزىڭ ءسۇيىپ!
دەگەنگە سونى ءسۇيدىم، ءجۇرمىن كۇيىپ.
ءبىر جىگىت كوتەنشىدەن تاپپادىن با،
كۇزەگەن ساقال-مۇرتىن قۋعا ءتيىپ؟
جاقسى ەكەن بارەكەلدى، قايىن جۇرتىڭ،
ىس كورمەس جاقسى جامان سەنىڭ ۇلتىڭ.
سالا بار ءتوس قالتاڭا ىسكەگىڭدى،
جۇلارسىڭ كوك تۇقىل ساقال مۇرتىڭ.
ءوزىن بەك، بولعان كۇندە، وزىنە ءبي،
قالاما قالاعانمەن ءبىر سىنىق ءۇي؟
ساقالىن قىرىققا كەلىپ قىرىقتىرعان،
جىگىتتىڭ ءوزى تەڭدى بىرىنە تي.
ەسىتسەك سىزدەن حابار «كەلسىن» دەگەن،
بۇل سوزگە قانداي جان بار ەسىرمەگەن؟
تەڭىزدەن شىعىپ تۇرعان ءسىز ءبىر سەدەپ،
سالىنىپ ەش دۇكەنگە كەسىلمەگەن.