مەرەكەدە جەدەل جاردەم قىزمەتىنە قاي وڭىردەن كوپ شاقىرتۋ ءتۇستى

وتكەن جىلدىڭ سوڭعى ەكى كۇنىندە ەل بويىنشا جەدەل مەديتسينالىق جاردەم پۋلتىنە تۇرعىنداردان 56 مىڭ شاقىرتۋ كەلىپ ءتۇستى، دەپ حابارلايدى Kazinform.

ونىڭ ىشىندە 1-3 شۇعىل ساناتتاعى شاقىرتۋلار 34 مىڭ بولسا، 4 سانات بويىنشا 22 مىڭ شاقىرتۋ تۇسكەن.

دەنساۋلىق ساقتاۋ مينيسترلىگىنىڭ مالىمەتىنشە، ەڭ كوپ شاقىرتۋ الماتى قالاسىنان - 5800، الماتى وبلىسىنان 5000 نان استام، تۇركىستان وبلىسىنان 460 تان استام جانە استانا قالاسىنان 4000 نان استام، شىمكەنت قالاسىنان 3000 نان استام شاقىرتۋ بولدى.

جالپى، وسى كۇندەرى 150 مىڭنان استام حالقى بار ەلدى مەكەندەردەگى كوپبەيىندى اۋرۋحانالاردىڭ جانىنداعى 80 تراۆماتولوگيالىق پۋنكت شۇعىل تراۆماتولوگيالىق كومەك كورسەتەدى.

150 مىڭنان از حالقى بار ەلدى مەكەندەردە اۋداندىق (166)، قالالىق (75) اۋرۋحانالاردىڭ قابىلداۋ بولمەلەرىندە شۇعىل تراۆماتولوگيالىق كومەك كورسەتىلەدى.

جاڭا جىلدىق مەرەكەلەردە ەل حالقىنا جەدەل مەديتسينالىق كومەك كورسەتۋ ءۇشىن ءبىر اۋىسىمدا 1503 جمك بريگاداسى، ونىڭ ىشىندە 273 بريگادا مامانداندىرىلعان (دارىگەرلىك) جانە 1230 فەلدشەرلىك بريگادا جۇمىس ىستەيدى.

مساك ۇيىمدارىندا 4 ساناتتاعى شاقىرتۋلارعا قىزمەت كورسەتۋ ءۇشىن 464 بريگادا جۇمىس ىستەيتىن بولادى.