مەرەكەدە ايەلدەردى سىيلىقسىز قالدىرعان شىمكەنتتىك ەكى جىگىت قاماۋعا الىندى

شىمكەنت. KAZINFORM - كيبەرپوليتسەيلەر الاياقتىق سحەمانى اشتى. 

8-ناۋرىزعا بىرنەشە كۇن قالعاندا كۇدىكتىلەر الەۋمەتتىك جەلىدەن ونلاين دۇكەن پاراقشاسىن اشقان. سودان شوكولادتى قۇلپىناي ساتۋ بويىنشا جارناما جاساعان. دەگەنمەن سەنىمدى كورىنگەن پاراقشا ارقىلى تاپسىرىس بەرۋشىلەر الاياقتىقتىڭ قۇربانى بولدى. اناسىنا، اجەسىنە، جۇبايى مەن اپكەسىنە ارنالعان سىيلىققا تاپسىرىس بەرگەن جابىرلەنۋشىلەر اقشاسىن تولەگەنمەن ۋادە ەتىلگەن تاتتىلەردى الا المادى.

جەدەل ءىس-شارالار بارىسىندا قۇقىق قورعاۋشىلار كۇدىكتىلەردى انىقتاپ، ۇستادى.

- قىلمىستىق جولمەن اقشا تابۋدى ۇيعارعاندار ەكى جاس جىگىت بولىپ شىقتى. ولار قاماۋعا الىندى. قازىرگى تاڭدا پوليتسەيلەر ءىستىڭ ءمان-جايىن انىقتاۋعا باعىتتالعان جۇمىستاردى جۇرگىزىپ جاتىر. ماماندار الاياقتىقتىڭ قۇربانى بولماس ءۇشىن ينتەرنەتتە ونلاين ساتىپ الۋ كەزىندە اسا مۇقيات بولۋعا كەڭەس بەرەدى، - دەلىنگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.

ايتا كەتەيىك، بۇدان بۇرىن شىمكەنتتە 4 مىڭنان استام ادامدى الداپ سوققان قارجى پيراميداسى انىقتالعانىن جازعان بولاتىنبىز.

اۆتور

قايرات زاينيشەۆ