مۇرات نۇرتىلەۋ ا ق ش مەملەكەتتىك حاتشىسى ماركو رۋبيومەن ءبىرقاتار ماسەلەنى تالقىلادى
استانا. KAZINFORM - ا ق ش مەملەكەتتىك حاتشىسى ماركو رۋبيو ۆاشينگتوندا قازاقستان پرەمەر-ءمينيسترىنىڭ ورىنباسارى -سىرتقى ىستەر ءمينيسترى مۇرات نۇرتىلەۋمەن كەزدەستى.
كەزدەسۋ بارىسىندا ا ق ش- تىڭ قازاقستاننىڭ تاۋەلسىزدىگىنە، ەگەمەندىگىنە جانە اۋماقتىق تۇتاستىعىنا بەرىك قولداۋىن تاعى ءبىر مارتە راستادى. مەملەكەتتىك حاتشى رۋبيو مەن پرەمەر-ءمينيستردىڭ ورىنباسارى - سىرتقى ىستەر ءمينيسترى نۇرتىلەۋ ەكىجاقتى ساۋدا مەن ينۆەستيتسيا كولەمىن ارتتىرۋ مۇمكىندىكتەرىن، سونداي-اق، ا ق ش كومپانيالارى ءۇشىن سەنىمدى ينفراقۇرىلىم مەن قولايلى رەتتەۋشى ورتانىڭ ماڭىزدىلىعىن تالقىلادى.
- ا ق ش قاۋىپسىزدىك سالاسىنداعى ارىپتەستىكتى كەڭەيتۋ، C5+1 ديپلوماتيالىق الاڭى ارقىلى وڭىرلىك ينتەگراتسيانى ىلگەرىلەتۋ جانە تەحنولوگيا مەن ماڭىزدى پايدالى قازبالار سەكتورلارىندا ءوزارا ءتيىمدى كوممەرتسيالىق مۇمكىندىكتەردى قاراستىرۋ باعىتىندا قازاقستانمەن بىرلەسە جۇمىس ىستەۋدى جالعاستىرۋعا نيەتتى، - دەلىنگەن باسپا ءسوز حاتشىسى تەممي بريۋس ۇسىنعان اقپاراتتا.
ايتا كەتەيىك، ماركو رۋبيو ءوز ۆەدومستۆوسىن قايتا جاساقتايتىنىن مالىمدەگەن ەدى.