مۇرات اۋەزوۆتىڭ تاعىلىمدى مۇراسى ناسيحاتتالدى
قازاق رۋحانياتىنىڭ جاناشىرى، قازاقستاننىڭ ەڭبەك سىڭىرگەن قايراتكەرى مۇرات اۋەزوۆتىڭ دۇنيەگە كەلگەنىنە 80 جىل تولدى.
ايتۋلى داتاعا وراي ەلوردادا «قازىرگى زامانداعى ۇلتتىق بىرەگەيلىكتى ساقتاۋدىڭ وزەكتى ماسەلەلەرى» اتتى حالىقارالىق- تاجىريبەلىك كونفەرەنتسيا ۇيىمداستىرىلدى. عالىمدار قوعام قايراتكەرىنىڭ تاعىلىمدى مۇراسى جايىندا سىر شەرتىپ، عىلىمداعى، ادەبيەت پەن ونەردەگى، ديپلوماتياداعى ەڭبەكتەرىن جان- جاقتى تالقىلادى. جيىنعا زيالى قاۋىم وكىلدەرى، اقىن- جازۋشىلار مەن جاس وقىرماندار اتسالىستى.
ءامىرجان الپەيىسوۆ، ەۇۋ پروفەسسورى، تاريحشى:
- مۇرات اۋەزوۆتىڭ ەڭ باستى ەڭبەگى نەدە دەيتىن بولساق، ونىڭ قىرى كوپ قوي، سونىڭ ىشىندەگى ەڭ باستى ەڭبەگى - وسى «جاس تۇلپار» قوزعالىسىن ۇيىمداستىرىپ، قازاق جاستارىنىڭ ساناسىن سەرپىلتىپ، ۇلتتى ازاتتىققا كۇرەسكە شاقىرۋى. بۇل ۇلكەن جاڭاعى فەنومەن دەپ ايتار ەدىم. ول كىسى ءوزىنىڭ ويىندا جاڭاعى رۋحاني دۇنيەگە، مادەنيەتكە كوپ كوڭىل ءبولۋ كەرەك ەكەنىنە، مادەنيەت پەن رۋحانيات دامىمايىنشا جاڭا دەڭگەيگە كوتەرىلۋىمىز كۇماندى دەپ مادەنيەتكە ۇلكەن ءمان بەرىپ وتىر.
www.24.kz