مەن ساياساتكەر دە، شەنەۋنىك تە ەمەسپىن، ءوزىمدى ناقتى ىسپەن دالەلدەيمىن - گولوۆكين
استانا. KAZINFORM - بۇگىن قازاقستان ۇلتتىق وليمپيادا كوميتەتىنىڭ پرەزيدەنتى بولىپ سايلانعان گەننادي گولوۆكين سايلاۋعا بايلانىستى پىكىرىمەن ءبولىستى.
«جاڭا لاۋازىمدا ەلىمىزدىڭ اتىنان ارەكەت ەتۋ - مەن ءۇشىن زور مارتەبە. ماعان قازاقستان ۇلتتىق وليمپيادالىق كوميتەتىن باسقارۋدى ۇسىنعاندا، قازاقستاندىق سپورتتى دامىتۋعا ءوز ۇلەسىمدى قوسۋعا مۇمكىندىك بەرسە عانا، كانديداتۋرامدى ۇسىناتىنىمدى ايتتىم.
وزدەرىڭىز بىلەتىندەي، مەن ساياساتكەر دە، شەنەۋنىك تە ەمەسپىن. ءوز ويىمدى، جوسپارىمدى سوزبەن ەمەس، ىسپەن دالەلدەپ ۇيرەنگەنمىن.
وسى ورايدا، مەنىڭ ءوز كوزقاراسىم، جىلدار بويى جينالعان حالىقارالىق تاجىريبەم بارىن، كوماندا بارىن ايتقىم كەلەدى. ال ەڭ باستىسى جانە مەنىڭ كوپتەن بەرگى قالاۋىم - بۇل بارلىعىن دا ءوزىمنىڭ تۋعان ەلىمدە جۇزەگە اسىرۋ»، - دەدى قازاقستان ۇ و ك جاڭا باسشىسى باس اسسامبلەياسىنىڭ كەزەكتەن تىس وتىرىسى اياسىندا.
ەستەرىڭىزگە سالا كتەيىك، وسىعان دەيىن گەننادي گولوۆكين ۇلتتىق وليمپيادا كوميتەتىنىڭ پرەزيدەنتى بولىپ سايلانعانىن جازعان بولاتىنبىز.
اۆتوركۇنسۇلتان وتارباي