مەن ءالى-اق جارق ەتەمىن - دزيۋدوشى ءابيبا ءابۋجاقىنوۆا
اتىراۋ. KAZINFORM - پاريج وليمپياداسىنان اتىراۋعا ورالعان ءابيبي ءابۋجاقىنوۆا وزىنە قولداۋ بىلدىرگەن جاناشىرلارىنا العىسىن ءبىلدىردى.
دزيۋدوشى ءابيبا ءابۋجاقىنوۆا قولداۋ كورسەتكەندەرگە ريزاشىلىعىن ءبىلدىرىپ، الەۋمەتتىك جەلىدەگى پاراقشاسىندا جازبا جاريالادى.
«جىعىلعاندا جانىمنان تابىلعان جاناشىرلار، بارىڭىزگە راحمەت. اتىراۋ وبلىسى اكىمى سەرىك جامبىل ۇلى مىرزاعا، Infinity mall كومپانياسىنا، اتىراۋلىق جاناشىر- جانكۇيەرلەرىمە كوپ راحمەت ايتامىن!»، - دەپ جازدى الەۋمەتتىك جەلىدەگى پاراقشاسىندا.
دزيۋدوشى ءۇشىن باپكەرى مەيىرجان ەسماعامبەتوۆتىڭ ورنى ەرەكشە ەكەنىن اتاپ ءوتتى.
«باپكەرىم سپورت مانسابىمدا ءوزىڭىزدىڭ ورنىڭىز ەرەكشە. جەڭىستە دە، جەڭىلىستە دە قاسىمنان تابىلىپ، مەنى بار قۇرمەتكە لايىق كورگەنىڭىزگە راحمەت! وسىنداي قولداۋدان كەيىن مەنىڭ سىنۋعا، جەڭىلۋگە، نالۋعا جانە كۇرەسپەۋگە قۇقىعىم جوق دەپ ويلايمىن! مەن ءالى- اق جارق ەتەمىن»، - دەدى ءابيبا ءابۋجاقىنوۆا.
ەسكە سالا كەتەلىك، بۇعان دەيىن اتىراۋلىقتار پاريج وليمپياداسىنان ورالعان ءابيبا مەن ەسميگۇلگە كولىك سىيلاعانىن حابارلاعان بولاتىنبىز.