مەملەكەتتىك قارىز قاۋىپسىز دەڭگەيدە - قارجى مينيسترلىگى

استانا. KAZINFORM - ماجىلىستە «2025-2027 -جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىنىڭ تانىستىرىلىمىنان كەيىنگى باسپا ءسوز ءماسليحاتىندا ق ر قارجى ۆيتسە-ءمينيسترى ابزال بەيسەنبەك ۇلى مەملەكەتتىك قارىز قاۋىپسىز دەڭگەيدە ەكەنىن ايتتى.

«مەملەكەتتىك قارىزدىڭ قازىرگى دەڭگەيى قاۋىپسىز شامادا تۇردى. بىزدە مەملەكەتتىك قارجىنى باسقارۋ تۇجىرىمداماسى بار جانە وندا قارىزدى رەتتەۋ بويىنشا ءتيىستى قادامدار ەسكەرىلگەن. ەگەر وسىندا بەلگىلەنگەن مەجەدەن اسىپ تۇسسە، وندا قاۋىپ بولۋى مۇمكىن. اتاپ ايتقاندا، قازىرگى كورسەتكىشتەر قاۋىپسىز دەڭگەيدە تۇرعانىن ايتا الامىن»، - دەدى ا. بەيسەنبەك ۇلى.

بۇدان بۇرىن حابارلانعانداي، ۇكىمەتتىك بورىشقا قىزمەت كورسەتۋگە شىعىستار 2,5 تريلليون تەڭگە سوماسىندا جوسپارلانىپ وتىر.

وسىعان دەيىن 2024 -جىلعى 1-قاڭتارداعى جاعداي بويىنشا مەملەكەتتىك بورىش جالپى ىشكى ونىمگە شاققاندا 22,8 پايىزدى قۇراعانى ايتىلعان ەدى.

اۆتور
مارلان جيەمباي