استانا. KAZINFORM - مەملەكەت باسشىسى «قازاقستان رەسپۋبليكاسىنىڭ مەملەكەتتىك ناگرادالارى تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋ ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى، دەپ حابارلايدى اقوردانىڭ باسپا ءسوز قىزمەتى.
پرەزيدەنت قاسىم-جومارت توقايەۆتىڭ بيىل 15-ناۋرىزدا ۇلتتىق قۇرىلتايدىڭ «ادال ادام - ادال ەڭبەك - ادال تابىس» اتتى ءۇشىنشى وتىرىسىندا بەرگەن تاپسىرماسىنا سايكەس «قازاقستان رەسپۋبليكاسىنىڭ مەملەكەتتىك ناگرادالارى تۋرالى» زاڭىنا تۇزەتۋلەر ەنگىزىلدى.
زاڭدا «ايبىن» وردەنىنىڭ دارەجەلەرىنە داڭقتى باتىرلارىمىز ساعادات نۇرماعامبەتوۆتىڭ، باۋىرجان مومىش ۇلىنىڭ جانە راقىمجان قوشقاربايەۆتىڭ ەسىمدەرىن بەرۋ قاراستىرىلعان.
زاڭ رەسمي جاريالانعان كۇننەن باستاپ كۇشىنە ەنەدى.
زاڭنىڭ ءماتىنى باسپا سوزدە جاريالانادى.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.