استانا. KAZINFORM - قازاقستان رەسپۋبليكاسىنىڭ مەملەكەتتىك كۇزەت قىزمەتى استانا تۇرعىندارى مەن قوناقتارىنا 28-ماۋسىمنان باستاپ ەلوردادا ش ى ۇ سامميتىنە دايىندىق اياسىندا جەكەلەگەن كوشەلەردە كولىكتەر مەن جاياۋ جۇرگىنشىلەر قوزعالىسىنا ۋاقىتشا شەكتەۋلەر ەنگىزىلەتىنىن ەسكەرتتى.
سونداي- اق سامميتكە دايىندىق ءىس- شارالارى ارناۋلى مەملەكەتتىك جانە قۇقىق قورعاۋ ورگاندارىنىڭ، ق ر قارۋلى كۇشتەرىنىڭ، ونىڭ ىشىندە اسكەري اۆياتسيانىڭ رەسۋرستارىن پايدالانۋ ارقىلى جۇرگىزىلەتىنى حابارلاندى.
- 2-4-شىلدە ارالىعىندا ەسىل، نۇرا جانە الماتى اۋداندارىندا دا وسىنداي شەكتەۋلەر ەنگىزىلەدى. وسىعان بايلانىستى، استانا قالاسىنىڭ تۇرعىندارى مەن قوناقتارىنان قاۋىپسىزدىكتى قامتاماسىز ەتۋ بويىنشا جۇرگىزىلىپ جاتقان ءىس- شارالارعا تۇسىنىستىكپەن قاراۋدى سۇرايمىز،- دەپ مالىمدەمە جاسادى قازاقستان رەسپۋبليكاسىنىڭ مەملەكەتتىك كۇزەت قىزمەتى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.