مەملەكەتتىك كىرىستەر ورگاندارىنىڭ اتىنان قوڭىراۋ شالاتىن الاياقتار كوبەيگەن
استانا. KAZINFORM - م ك ك مەملەكەتتىك كىرىستەر ورگاندارىنىڭ اتىنان قوڭىراۋ شالاتىن الاياقتارعا قاتىستى ەسكەرتۋ جاسادى.
«الاياقتار بۇرىننان بەلگىلى سحەما بويىنشا ارەكەت ەتەدى. سالىق تولەۋشىنىڭ سالىقتىق حاتى بار نەمەسە شوتى بۇعاتتالعان دەپ مالىمدەيدى. ماسەلەنى شەشۋ جانە ايىپپۇلداردى بولدىرماۋ ءۇشىن بەتپە-بەت كەزدەسۋگە ونلاين برونداۋ ۇسىنىلادى. سودان كەيىن كودتى 1414 نومىرىنەن جابىرلەنۋشىنىڭ تەلەفونىنا جىبەرەدى جانە برونداۋ پروتسەسىن اياقتاۋ ءۇشىن كودتى جازۋدى سۇرايدى»، - دەپ جازىلعان مەملەكەتتىك كىرىستەر كوميتەتىنىڭ حابارلاماسىندا.
مەملەكەتتىك كىرىستەر كوميتەتى سالىق تولەۋشىلەرگە جەكە مالىمەتتەرىن ەشكىمگە بەرمەۋدى ەسكەرتەدى.
سونداي-اق م ك ك قىراعىلىق تانىتۋعا جانە جالعان حابارلامالارعا سەنبەۋگە، كۇماندى سىلتەمەلەرگە وتپەۋگە، اقشا اۋدارۋعا، الىنعان حابارلامالاردىڭ دۇرىستىعىن تەكسەرۋگە كەڭەس بەرەدى.