مەملەكەتتىك شەكارانى قورعاۋدا قانداي جۇمىس اتقارىلدى

 ۇ ق ك شەكارا قىزمەتى مەملەكەتتىك شەكارانى كۇزەتۋ مەن قورعاۋدى قامتاماسىز ەتۋ اياسىندا 2023 -جىلعى قازاندا قۇزىرلى ورگاندارمەن ءوزارا ارەكەتتەسە وتىرىپ شەكارا كەڭىستىگىندە 5 290 (جىلدىڭ باسىنان -  25364) قازاقستان زاڭناماسىن بۇزعانداردى ۇستادى، دەپ حابارلايدى Kazinform. 

مەملەكەتتىك شەكارا ارقىلى 994 سونىڭ ىشىندە 70 ەسىرتكى زاتتارىن، 28 اتۋ قارۋى مەن وق- دارىلەر (9 دانا اتۋ قارۋى، 296 دانا وق-دارىلەر، 12 دانا سۋىق قارۋ)، 27 ءدىني ادەبيەت (342 دانا)، 323 - جالپى سوماسى 8 ميلليون تەڭگەدەن اساتىن جانار-جاعارماي ماتەريالدارى (34800 ليتر)، 453 جالپى سوماسى 1,6 ميلليارد تەڭگەدەن استام حالىق تۇتىناتىن تاۋارلار، 93 جالپى سوماسى 1 ميلليارد تەڭگەدەن استام ۆاليۋتانى زاڭسىز الىپ ءوتۋ جاعدايىنىڭ بولۋىنا جول بەرىلمەدى.

ماماندار كاسپي اكۆاتورياسىندا 74 براكونەرلىك فاكتىلەرىنىڭ الدىن الدى. سونداي-اق جالپى ۇزىندىعى 186 ك م توردى قۇرايتىن براكونەرلىك اۋلاۋ قۇرالدارى، 5 دانا ءجۇزۋ قۇرالى، 698 دانا (5429 ك گ) بەكىرە تۇقىمداس بالىقتار، 2575 دانا (5107 ك گ) ۇساق تۇقىمداس بالىقتار، 3700 دانا (700 ك گ) شايان تارىزدىلەر تاركىلەندى.

الدى الىنعان زالال سوماسى - 1,9 ميلليارد تەڭگە.

وسى فاكتىلەر بويىنشا ماتەريالدار بۇزۋشىلاردى جاۋاپكەرشىلىككە تارتۋ ءۇشىن قۇقىق قورعاۋ جانە سوت ورگاندارىنا جىبەرىلدى.

مەملەكەتتىك شەكارادا قانداي دا ءبىر شەكتەۋ شارالارى ەنگىزىلگەن جوق. بارلىق وتكىزۋ پۋنكتتەرى شتاتتىق رەجيمدە جۇمىس ىستەدى.