مەملەكەتتىك ءتىلدى قورلاماڭىزدار - دەپۋتات رينات زايىتوۆ

استانا. KAZINFORM - دەپۋتات رينات زايىتوۆ زاڭ جوباسىن رەسمي تىلدە تانىستارعان مينيسترلەردىڭ ورىنباسارلارىن سىنادى.

ماجىلىستە سالىق كودەكسىنىڭ جوباسىن جانە سالىق سالۋ ماسەلەلەرى بويىنشا ىلەسپە تۇزەتۋلەرى تانىستىرىلدى. ۇلتتىق ەكونوميكا ۆيتسە-ءمينيسترى ازامات ءامرين، قارجى ۆيتسە-ءمينيسترى ەرجان ءبىرجانوۆ قۇجاتتى ورىس تىلىندە ءتۇسىندىردى.

رينات زايىتوۆ شەنەۋنىكتەردى بۇلاي ىستەمەۋگە شاقىردى.

«پرەزيدەت قاسىم-جومارت توقايەۆ اسسامبلەيا سەسسياسىندا «اركىمنىڭ پاتريوتتىق دەڭگەيى مەملەكەتتىك تىلگە دەگەن قۇرمەتىمەن ولشەنەدى» دەپ انىق ايتقان. بالكىم، ەۆگەني كوچەتوۆقا، رومان ۆاسيليەۆيچ سكليارعا، ءتىپتى رينات ريفحات ۇلى زايىتوۆقا دا كەشىرىلەتىن شىعار. ءبىراق اتاسىنىڭ اتى - امىرە، ءوزىنىڭ اتى - ازامات، اكەسىنىڭ اتى - ءبىرجان، ءوزىنىڭ اتى - ەرجان دەگەن ازاماتتارعا مىنا جەرگە كەلىپ شۇلدىرلەپ تۇرعان جاراسپايدى. باسىندا 2 سويلەم، سوڭىندا 2 سويلەم قازاقشا ايتىپ، وتىرىك مۇسىركەپ، مەملەكەتتىك ءتىلىمىزدى قورلاماۋعا شاقىرامىن»، - دەدى ءماجىلىس دەپۋتاتى.

ۆيتسە-مينيستر ەرجان ءبىرجانوۆ اتالعان زاڭ جوباسىن تالاي رەت قازاقشا تۇسىندىرگەنىن ايتتى.

«ەسكەرتۋىڭىزدى تۇسىندىك. مەن ەكى تىلدە بىردەي ايتا الامىن. سالىق كودەكسى بولعاندىقتان كەيبىر سپەسيفيكالىق تەرميندەر بار. سوندىقتان ورىسشا ايتتىق. ءبىراق مەن وسى كودەكستى تالاي رەت الدارىڭىزدا (مەملەكەتتىك تىلدە) ايتتىم»، - دەدى ول.

ازامات ءامرين دەپۋتاتتىڭ سۇراعىنا جاۋاپ بەرمەدى.