مەملەكەتكە قايتارىلعان اكتيۆتەر قايدا جۇمسالىپ جاتىر
استانا. KAZINFORM - ۇلتتىق ەكونوميكا مينيسترلىگىنەن قازاقستانعا قايتارىلعان اكتيۆتەردىڭ قايدا جۇمسالىپ جاتقانى ايتىلدى.
«مەن اكتيۆتەردى قايتارۋ كوميسسياسىنا ەندى مۇشە بولىپ جاتىرمىن. سوندىقتان قازىر تولىق اقپارات جوق»، - دەيدى پرەمەر- ءمينيستردىڭ ورىنباسارى- ۇلتتىق ەكونوميكا ءمينيسترى نۇرلان بايبازاروۆ ۇكىمەت ۇيىندە وتكەن باسپا ءسوز ءماسليحاتىندا.
ودان ءارى ۇلتتىق ەكونوميكا ۆيتسە ءمينيسترى باۋىرجان قۇدايبەرگەنوۆ ءسوز الدى.
«اكتيۆتەردى قايتارۋ بويىنشا قارجى مينيسترلىگىنىڭ جانىنان جەكە قور قۇرىلدى. بۇگىندە 1 تريلليون تەڭگەگە جۋىق قاراجات قايتارلدى. ول جەردە تەك اقشالاي ەمەس، اكتيۆتەردە بار. سوندىقتان ءبىز ول اكتيۆتەردى نارىققا شىعارۋىمىز كەرەك. ودان كەلگەن قارجىنى ەلىمىزدىڭ الەۋمەتتىك ماسەلەلەرىن شەشۋگە جىبەرەتىن بولامىز. بۇگىنگى كۇنگە ءبىز بار اقپاراتقا سايكەس، قاراجات اۋرۋحانالار مەن مەكتەپتەر سالۋعا جۇمسالىپ جاتىر. ونىڭ ىشىندە مەكتەپ سالۋعا شامامەن 200-300 ميلليارد تەڭگە جىبەرىلدى»،-دەدى ءمينيستردىڭ ورىنباسارى.