مەملەكەت باسشىسىن اتالعان نىساندا حانزادا ءالي بەن ءال-حۋسەين، يوردانيا مۋزەيى قامقورشىلار كەڭەسى ءتوراعاسىنىڭ ورىنباسارى، حانشايىم سۋمايا بينت حاسان مەن مۋزەي ديرەكتورى يحاب امارين قارسى الدى.
قاسىم-جومارت توقايەۆ كورمە زالدارىن ارالاپ كورىپ، مۋزەي قورىندا ساقتالىپ تۇرعان سيرەك جادىگەرلەرمەن جانە ەكسپوناتتارمەن تانىستى. سونداي-اق مەملەكەت باسشىسىنا يوردان حاشيميت كورولدىگىندەگى ەڭ ۇلكەن مۋزەيدىڭ قۇرىلۋ تاريحى جونىندە مالىمەت بەرىلدى.
مۋزەيدەگى ەرەكشە كورمەنىڭ ءبىرى - كۋمران قولجازبالارى. وندا تاريحي قۇندىلىعى زور مىس قولجازبالاردىڭ فراگمەنتتەرىمەن تانىسۋعا بولادى.
يوردانيا مۋزەيى تۇراقتى ەكسپوزيتسيادان بولەك، ۇلتتىق تاريح پەن مادەنيەتتى دارىپتەۋ ءۇشىن ۋاقىتشا كورمەلەر، دارىستەر، سەمينارلار مەن مادەني ءىس-شارالار ۇيىمداستىرادى.
پرەزيدەنت نىساندى ارالاپ كورگەن سوڭ قۇرمەتتى قوناقتار كىتابىنا ەستەلىك جازبا قالدىردى.
وسىعان دەيىن پرەزيدەنت قاسىم-جومارت توقايەۆ يوردانيا كورولىمەن كەلىسسوز جۇرگىزدى.
رەسمي ساپار اياسىندا 10 قۇجاتقا قول قويىلدى.
مەملەكەت باسشىسى كورول II ابداللانى «التىن قىران» وردەنىمەن ماراپاتتادى.