استانا. KAZINFORM - قاسىم-جومارت توقايەۆ كورول VI فەليپەنى تۋعان كۇنىمەن قۇتتىقتادى.
پرەزيدەنت جەدەلحاتتا ەكى ەل اراسىنداعى بەرىك دوستىققا، سىندارلى ساياسي ديالوگ پەن ءوزارا ءتيىمدى ساۋدا-ەكونوميكالىق بايلانىستارعا نەگىزدەلگەن ستراتەگيالىق سەرىكتەستىك دايەكتى تۇردە دامىپ كەلە جاتقانىن اتاپ وتكەن. سونداي-اق ىنتىماقتاستىقتى تەرەڭدەتۋدىڭ مول الەۋەتىن پايدالانا وتىرىپ، قازاق- يسپان قارىم-قاتىناسىن جاڭا ءارى ساپالى دەڭگەيگە شىعارۋعا مۇددەلى ەكەنىن راستاعان.
قاسىم-جومارت توقايەۆ كورول VI فەليپەنىڭ اسا جاۋاپتى قىزمەتىنە تولايىم تابىس، ال يسپان حالقىنا باق-بەرەكە تىلەدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан