استانا. KAZINFORM - پرەزيدەنت قاسىم-جومارت توقايەۆ جەدەلحاتتا كورول VI فەليپەنى يسپانيانىڭ ۇلتتىق كۇنىمەن قۇتتىقتاپ، كورولدىكتى ىرگەسى بەرىك، الەۋمەتتىك-ەكونوميكالىق الەۋەتى مەن حالىقارالىق ساحناداعى بەدەلى جوعارى مەملەكەت رەتىندە باعالادى.
مەملەكەت باسشىسى قازاقستان مەن يسپانيا اراسىنداعى ستراتەگيالىق سەرىكتەستىك ۋاقىت وتكەن سايىن نىعايىپ كەلە جاتقانىن زور ريزاشىلىقپەن اتاپ ءوتىپ، بىرلەسكەن كۇش-جىگەر ارقىلى ءوزارا ءتيىمدى ىنتىماقتاستىق ەكى ەل حالقىنىڭ يگىلىگى ءۇشىن ۇدايى دامي بەرەتىنىنە سەنىم ءبىلدىردى.
قازاقستان پرەزيدەنتى يسپانيا كورولىنىڭ بارلىق يگى باستاماسىنا تولايىم تابىس، ال دوستاس يسپان حالقىنا باق-بەرەكە تىلەدى.
باقىتجول كاكەش
باقىتجول كاكەش - ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە «جۋرناليستيكا» ماماندىعىن وقىعان. 2009- جىلدان بەرى «قازاقپارات» ح ا ا- دا شىعارۋشى رەداكتور بولىپ قىزمەت اتقارىپ كەلەدى.