پرەزيدەنت قاسىم-جومارت توقايەۆ حايسام بەن تاريق ءال سايدتى ومان سۇلتاندىعىنىڭ ءتول مەرەكەسى - ۇلتتىق كۇنىمەن قۇتتىقتادى، دەپ حابارلايدى اقوردانىڭ باسپا ءسوز قىزمەتى.
- بۇگىندە ومان - ساياسي تۇعىرى بەرىك، ەكونوميكاسى قارىشتاپ دامىعان حالىقارالىق قاۋىمداستىقتىڭ بەدەلدى مۇشەسى. ايماقتىق بىرلىكتى، تۇتاستىق پەن بىتىمگەرلىكتى تۋ ەتكەن ەلىڭىز ءسىزدىڭ باسشىلىعىڭىزبەن الداعى ۋاقىتتا دا يگى ماقسات-مۇراتتارعا جەتە بەرۋىن تىلەيمىن، - دەلىنگەن قۇتتىقتاۋ جەدەلحاتتا.
پرەزيدەنت ومان سۇلتانىنىڭ اسا جاۋاپتى قىزمەتىنە تابىس، ال باۋىرلاس ومان حالقىنا قۇت- بەرەكە تىلەدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан