مەملەكەت باسشىسى ۇ و ك پرەزيدەنتى گەننادي گولوۆكيندى قابىلدادى
15:59, 15 - شىلدە 2024
استانا. KAZINFORM - قاسىم-جومارت توقايەۆقا ۇلتتىق قۇرامانىڭ پاريج وليمپياداسىنا ازىرلىگى جونىندە مالىمەت بەرىلدى، دەپ حابارلايدى اقوردانىڭ باسپا ءسوز قىزمەتى.
گەننادي گولوۆكين ۇيىمنىڭ حالىقارالىق باعىتتاعى قىزمەتىن ۇيلەستىرۋ شارالارى، سونداي-اق سالالىق ءبىلىم بەرۋ جوبالارى تۋرالى باياندادى. ونىڭ ايتۋىنشا، ۇ و ك حالىقارالىق وليمپيادا كوميتەتىمەن، ازيا وليمپيادا كەڭەسىمەن جانە باسقا ەلدەردىڭ وسىنداي قۇرىلىمدارىمەن بايلانىستى جانداندىرىپ جاتىر.
سونىمەن قاتار ۇلتتىق وليمپيادا كوميتەتى سپورتشىلاردىڭ قۇقىعىن قورعاۋعا باعىتتالعان جوبالارعا باسا ءمان بەرىپ كەلەدى.