مەملەكەت باسشىسى توتەنشە جاعدايلار ءمينيسترى شىڭعىس ءارىنوۆتى قابىلدادى
استانا. KAZINFORM - مەملەكەت باسشىسى توتەنشە جاعدايلار ءمينيسترى شىڭعىس ءارىنوۆتى قابىلدادى. بۇل تۋرالى اقوردانىڭ باسپا ءسوز قىزمەتى حابارلادى.
شىڭعىس ءارىنوۆ توتەنشە جاعدايلار مينيسترلىگىنىڭ اتقارىپ جاتقان جۇمىستارى مەن الداعى جوسپارى جونىندە ەسەپ بەردى. توتەنشە جاعدايلار مينيسترلىگىنىڭ شتاتتىق قۇرىلىمىن وڭتايلاندىرۋ جانە ماتەريالدىق-تەحنيكالىق قۇرالدارمەن جابدىقتالۋ دەڭگەيىن ارتتىرۋ ماسەلەلەرى تۋرالى باياندادى. ازاماتتىق قورعاۋ اكادەمياسىنىڭ قۇرىلىسى، اۋە اۆياتسياسى پاركىن جاڭارتۋ جانە كاسپي تەڭىزىنىڭ جاعاسىندا ۇلتتىق تەڭىز جاساعىن قۇرۋ جۇمىستارى جايىندا ايتتى.
ونىڭ ايتۋىنشا، 20 ءورت ءسوندىرۋ دەپوسىنىڭ قۇرىلىسى جۇرگىزىلىپ جاتىر، سونداي-اق ەلوردادا تەز قۇراستىرىلاتىن ءورت ءسوندىرۋ دەپوسى مەن جاتاقحانا سالۋ جونىندەگى پيلوتتىق جوبا ىسكە قوسىلعان. مينيسترلىك ءارتۇرلى تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋ جانە جەدەل ارەكەت ەتۋ شارالارىن جەتىلدىرۋ جۇمىستارىن جۇرگىزىپ جاتىر.
قۇتقارۋ بولىمشەلەرىن سيفرلاندىرۋ، كادرلىق الەۋەتتى ارتتىرۋ جانە ازاماتتىق قورعاۋ ورگاندارى قىزمەتكەرلەرىن الەۋمەتتىك تۇرعىدان قولداۋدى كۇشەيتۋ شارالارى تۋرالى مالىمەت بەردى.
قاسىم-جومارت توقايەۆ ازاماتتاردىڭ قاۋىپسىزدىگىن قامتاماسىز ەتۋ جانە ت ج م قۇرىلىمىن جەتىلدىرۋ جونىندە ءبىرقاتار ناقتى مىندەت جۇكتەدى.
اۆتور
ەلميرا ورالبايەۆا