استانا. KAZINFORM - سينگاپۋر پرەزيدەنتىنە قۇتتىقتاۋ جەدەلحاتىن جولدادى. قاسىم-جومارت توقايەۆ تارمان شانمۋگاراتنام مەن سينگاپۋر حالقىن ۇلتتىق كۇنىمەن قۇتتىقتادى، دەپ حابارلايدى اقوردانىڭ باسپا ءسوز قىزمەتى.
پرەزيدەنت سينگاپۋردىڭ ەكونوميكا، يننوۆاتسيا جانە قوعامدىق دامۋ سالاسىنداعى تاڭعالارلىق جەتىستىكتەرىن اتاپ ءوتتى. سونىمەن قاتار ەلىمىزدىڭ سينگاپۋرمەن اراداعى شىنايى دوستىققا جانە ءوزارا قولداۋعا نەگىزدەلگەن سەرىكتەستىكتى نىعايتۋعا مۇددەلى ەكەنىن راستادى.
قاسىم-جومارت توقايەۆ تارمان شانمۋگاراتنامنىڭ باستامالارىنا تابىس، ال سينگاپۋر حالقىنا باق-بەرەكە تىلەدى.
اۆتور
ەلميرا ورالبايەۆا
باقىتجول كاكەش
باقىتجول كاكەش - ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە «جۋرناليستيكا» ماماندىعىن وقىعان. 2009- جىلدان بەرى «قازاقپارات» ح ا ا- دا شىعارۋشى رەداكتور بولىپ قىزمەت اتقارىپ كەلەدى.