مەملەكەت باسشىسى سەربياعا رەسمي ساپارمەن باردى
استانا. KAZINFORM - قاسىم-جومارت توقايەۆتى بەلگراد اۋەجايىندا سەربيا پرەزيدەنتى الەكساندر ۆۋچيچ قارسى الدى، دەپ حابارلايدى اقوردانىڭ باسپا ءسوز قىزمەتى.
قازاقستان پرەزيدەنتىنىڭ بورتىن سەربيا اسپانىندا وسى ەلدىڭ اسكەري اۋە كۇشتەرىنىڭ ۇشاقتارى الىپ ءجۇردى.
ساپار بارىسىندا جوعارى دەڭگەيدەگى كەلىسسوزدەر وتەدى.
مەملەكەتتەر باسشىلارى ەكى ەلدىڭ ساياسي، ساۋدا-ەكونوميكا، كولىك-لوگيستيكا جانە مادەني- گۋمانيتارلىق سالالارداعى ءوزارا ىنتىماقتاستىعىنىڭ پەرسپەكتيۆالارىن تالقىلايدى.
كەلىسسوزدەر قورىتىندىسى بويىنشا ەكىجاقتى كەلىسىمدەرگە قول قويىلماق. سونىمەن قاتار سەربيانىڭ پرەمەر-ءمينيسترى ميلوش ۆۋچيەۆيچپەن كەزدەسۋ جوسپارلانعان.
ەسكە سالساق، بۇعان دەيىن ق ر پرەزيدەنتى قاسىم-جومارت توقايەۆ ءوزىنىڭ جانە قازاقستان حالقىنىڭ اتىنان حايسام بەن تاريق ءال سايد پەن ونىڭ وتانداستارىن ومان سۇلتاندىعىنىڭ ءتول مەرەكەسى - ۇلتتىق كۇنىمەن قۇتتىقتادى.
اۆتور
اينۇر تۋماكبايەۆا