مەملەكەت باسشىسى پرەزيدەنتتەردى ورتالىق ازيانى وركەندەگەن كەڭىستىك رەتىندە ساقتاۋعا شاقىردى

استانا. KAZINFORM - قاسىم-جومارت توقايەۆ پرەزيدەنتتەردى ورتالىق ازيانى قاۋىپسىز، ىنتىماعى جاراسقان ءارى وركەندەگەن كەڭىستىك رەتىندە ساقتاۋ ءۇشىن بارىنشا كۇش-جىگەر جۇمساۋعا شاقىردى. بۇل تۋرالى اقوردانىڭ باسپا ءسوز قىزمەتى حابارلادى.

پرەزيدەنت اتاعان تاعى ءبىر ماڭىزدى مىندەت - جان-جاقتى ىقپالداستىقتىڭ بەرىك ەكونوميكالىق بازاسىن قالىپتاستىرۋ. كەيىنگى جىلدارى بۇل باعىتتا ەلەۋلى ناتيجەگە قول جەتكىزىلدى. ءوڭىر ىشىندەگى ساۋدا كولەمى بىرتىندەپ ۇلعايىپ كەلەدى. بۇل كورسەتكىش 11 ميلليارد دوللارعا جەتتى.

مەملەكەت باسشىسى ءوز كەزەگىندە تاۋار اينالىمىن ارتتىرۋ جانە ونى 15 ميلليارد دوللارعا جەتكىزۋ ماڭىزدى ەكەنىن اتاپ ءوتتى.

- ەلدەرىمىزدىڭ ەكونوميكاسىن دامىتۋعا بىرلەسكەن ءىرى ينفراقۇرىلىم جانە كولىك جوبالارى تىڭ سەرپىن بەرەر ەدى. ءوزارا ءتيىمدى ىنتىماقتاستىقتىڭ مۇنداي وڭ مىسالدارى ايماعىمىزدا قازىردىڭ وزىندە دە بار. ماسەلەن، قىرعىزستانداعى قامباراتا 1-گ ە س- ءىن، تاجىكستانداعى روگۋن گ ە س- ءىن، قازاقستان، وزبەكستان جانە تاجىكستاننىڭ گاز جوبالارىن، جاڭا كولىك دالىزدەرىنىڭ قۇرىلىسىن، سونداي- اق باسقا دا ماڭىزدى جوبالاردى اتاۋعا بولادى. بۇدان بولەك شەكارا ماڭى اۋداندارىندا ساۋدا- لوگيستيكا جەلىلەرى مەن ونەركاسىپ حابتارىن دامىتۋ ماڭىزدى. اۋىل شارۋاشىلىعى، لوگيستيكا، توقىما جانە حيميا ونەركاسىبى، قۇرىلىس سەكىلدى پەرسپەكتيۆتى سالالاردا جاڭا كەلىسىمدەر جاساپ، جان- جاقتى سەرىكتەستىگىمىزدى نىعايتۋ قاجەت، - دەدى قازاقستان پرەزيدەنتى.

اۆتور

ابىلايحان جۇماشيەۆ